دەنساۋلىق ساقتاۋ مينيسترلىگى كوروناۆيرۋس بويىنشا سوڭعى دەرەككە سايكەس، ۆيرۋس انىقتالعان ناۋقاستار سانى 204-كە جەتكەنىن حابارلادى.

ىندەتتى جۇقتىرعانداردىڭ كوبى استانالىقتار. نۇر-سۇلتان قالاسى بويىنشا 117 جاعداي تىركەلدى. الماتى قالاسىندا – 58 ادام، قاراعاندى قالاسىندا – 4، جامبىل وبلىسىندا – 3 ادام، اتىراۋ وبلىسى – 4 ادام، اقمولا وبلىسىندا – 5 ادام، شىمكەنت قالاسىندا – 2 ادام، شىعىس قازاقستان وبلىسىندا – 2 ادام، الماتى وبلىسىندا – 4 ادام، اقتوبە وبلىسىندا – 1 ادام، سولتۇستىك قازاقستان وبلىسىندا – 1 ادام، پاۆلودار وبلىسىندا – 1 ادام، ماڭعىستاۋ وبلىسىندا – 1 ادام، قىزىلوردا وبلىسىندا – 1 ادام ۆيرۋستى جۇقتىرعان.

بۇگىن، 28 ناۋرىز كۇنى عانا 54 ادامنان ۆيرۋس انىقتالىپ وتىر.

كەشە نۇر-سۇلتان مەن الماتىدا كارانتين رەجيمىن كۇشەيتۋ تۋرالى شەشىم قابىلدانعان. الماتى اكىمدىگى تارتىپكە باعىنباعاندار قىلمىستىق جاۋاپكەرشىلىككە تارتىلۋى مۇمكىن ەكەنىن حابارلاعان.