تەلەكوپىر اياسىندا ق ر پرەمەر-مينيسترى ا. مامين مەن ءور پرەمەر-مينيسترى ا. اريپوۆ «سارىارقااۆتوونەركاسىپ» ج ش س جانە «UzAuto Motors» اق بىرلەسكەن جوباسىن رەسمي تۇردە ىسكە قوستى. جاڭا وندىرىستىك جەلىدە وسى جىلدىڭ سوڭىنا دەيىن 1 مىڭنان استام جوعارى ءونىمدى جۇمىس ورنى قۇرىلاتىن بولادى، بۇل قىزمەت كورسەتۋ مەن ءوندىرىس سەكتورلارى اراسىنداعى جۇمىس كۇشى اعىنىنىڭ ءوسۋى تۇرعىسىنان ەرەكشە ماڭىزعا يە. قازىرگى تاڭدا زاۋىت تولىق جۇكتەمەمەن ءۇش اۋىسىمدا جۇمىس ىستەيدى.

«قازاقستاننىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازاربايەۆ پەن وزبەكستان پرەزيدەنتى شاۆكات ميرومونوۆيچ ميرزيەيەۆ ەكىجاقتى قارىم-قاتىناستى ستراتەگيالىق ىنتىماقتاستىقتىڭ جاڭا دەڭگەيىنە شىعارۋعا نەگىز سالدى. قازاقستان پرەزيدەنتى قاسىم-جومارت كەمەل ۇلى توقايەۆ وزبەكستانمەن ءوزارا ءتيىمدى سەرىكتەستىكتى نىعايتۋ مەن دامىتۋعا ەرەكشە كوڭىل بولەدى»، — دەدى ا. مامين.

ق ر پرەمەر-مينيسترى ءۇشىنشى ەلدەردەن تاۋارلار مەن قىزمەتتەردىڭ يمپورتىنا تاۋەلدىلىكتى تومەندەتۋ ماقساتىندا قازاقستان مەن وزبەكستاننىڭ وندىرىستىك پروسەستەرىن ينتەگراسيالاۋدىڭ وزەكتىلىگى ارتىپ كەلە جاتقانىن اتاپ ءوتتى.

جاڭا وندىرىستىك جەلىدە «Chevrolet» ماركالى ءاۆتوموبيلىنىڭ – Damas، Labo، Trailblazer، Malibu، Spark جانە ت. ب. بىرنەشە مودەلدەرى قۇراستىرىلاتىن بولادى. «Chevrolet Damas» اۆتوبۋسى مەن «Chevrolet Labo» جۇك ماشيناسىنىڭ قولجەتىمدى تۇپكىلىكتى قۇنى شامامەن 3 ملن تەڭگەنى قۇرايدى، بۇل ولاردىڭ ساۋدا، لوگيستيكا، اۋىل شارۋاشىلىعى جانە باسقا دا سالالارداعى شاعىن جانە ورتا بيزنەس ءۇشىن تارتىمدىلىعىن ارتتىرادى.

اۆتوموبيل جاساۋ — ق ر ەكونوميكاسىنىڭ قارقىندى دامىپ كەلە جاتقان سالالارىنىڭ ءبىرى. بيىل اۆتوونەركاسىپ ءونىمىنىڭ جالپى كولەمىن جىلىنا 100 مىڭ اۆتوموبيلگە دەيىن، سالانى جەرگىلىكتەندىرۋدىڭ ورتاشا دەڭگەيىن 50%-عا دەيىن، ال كوممەرسيالىق تەحنيكا مەن اۆتوبۋستار بويىنشا 60-65%-عا دەيىن جەتكىزۋ كوزدەلگەن.