قازاقستاندا 28 مەديسينا قىزمەتكەرى كوروناۆيرۋس جۇقتىرعان. بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ مالىمدەدى.

"مەديسينا قىزمەتكەرلەرىنىڭ سىرقاتتانۋىنا قاتىستى دا كوپتەگەن سۇراق قويىلادى. ءبىز بۇل فاكتىنى جاسىرمايمىز. كارانتيندىك نىسانداردا جۇمىس ىستەپ ۆيرۋس جۇقتىرعان مەديسينا قىزمەتكەرلەرىنىڭ اراسىندا 28 ادام بار"، - دەدى مينيستر ونلاين بريفينگتە.

قازىرگى ۋاقىتتا نۇر-سۇلتان قالاسى بويىنشا 199 ادام، الماتى قالاسىندا – 93 ادام، قاراعاندى وبلىسىندا – 22 ادام، اقمولا وبلىسىندا – 19 ادام، اتىراۋ وبلىسى – 20 ادام، جامبىل وبلىسىندا – 6 ادام، شىمكەنت قالاسىندا – 11 ادام، شىعىس قازاقستان وبلىسىندا – 3 ادام، الماتى وبلىسىندا – 9 ادام، اقتوبە وبلىسىندا – 7 ادام، سولتۇستىك قازاقستان وبلىسىندا – 18 ادام، پاۆلودار وبلىسىندا – 1 ادام، ماڭعىستاۋ وبلىسىندا – 1 ادام، قىزىلوردا وبلىسىندا – 26 ادام، باتىس قازاقستان وبلىسىندا – 2 ادام، تۇركىستان وبلىسىندا – 16 ادام، جالپى 453 ناۋقاس تىركەلدى.