پرەزيدەنت قاسىم-جومارت توقايەۆ قازاقستاندىقتاردىڭ بىرگە ءانۇران ورىنداۋىنا قاتىستى پىكىر ءبىلدىردى. بۇل تۋرالى پرەزيدەنت ءوزىنىڭ twitter پاراقشاسىنا جازدى.
"كارانتيندە وتىرعان ازاماتتارىمىزدىڭ رياسىز كوڭىلى مەن شىنايى نيەتى بۇل قيىندىقتى ءبارىمىز بىرگە ەڭسەرەتىنىمىزگە سەنىم ۇيالاتادى. ەلوردا مەن ەلىمىزدىڭ باسقا قالالارى تۇرعىندارىنىڭ ءانۇرانىمىزدى بىرگە ورىنداۋى – وتانعا دەگەن سۇيىسپەنشىلىكتىڭ كورىنىسى. حالقىمىزدىڭ بۇل ارەكەتى زور قۇرمەتكە لايىق"، - دەپ جازدى توقايەۆ.
كارانتيندە وتىرعان ازاماتتارىمىزدىڭ رياسىز كوڭىلى مەن شىنايى نيەتى بۇل قيىندىقتى ءبارىمىز بىرگە ەڭسەرەتىنىمىزگە سەنىم ۇيالاتادى. #BizBirgemiz. We shall overcome.
— Qasym-Jomart Toqayev (@TokayevKZ) April 3، 2020
پىكىر قالدىرۋ