فيليپپين پرەزيدەنتى رودريگو دۋتەرتە پاندەميا كەزىندە پوليسياعا قيىندىق تۋدىرعان كەز كەلگەن ادام اتىلاتىنىن ايتتى، دەپ جازادى thesun.co.uk.

دۋتەرتە سونىمەن قاتار، كوروناۆيرۋس شەكتەۋى كەزىندە مەديسينا قىزمەتكەرلەرىنە كەدەرگى جاسايتىن ءار قانداي ارەكەتكە جول بەرىلمەيتىنىن اتاپ ءوتتى.

فيليپپيندە 2،311 ادام ۆيرۋس جۇقتىرعان جانە 96 ءولىم تىركەلگەن، ءبىراق ەلدە ينفەكسيا كۇن سايىن ءوسىپ كەلەدى.

پرەزيدەنت دۋتەرتە تەلەديداردا سويلەگەن سوزىندە بارلىق ازاماتتاردى كارانتين ءتارتىبىن ساقتاۋعا شاقىرعان.

– جاعداي كۇن ساناپ ناشارلاي تۇسۋدە. سوندىقتان مەن سىزدەرگە ماسەلەنىڭ ماڭىزىن جانە ونى تىڭداۋ كەرەك ەكەنىن ايتامىن. مەنىڭ پوليسياعا جانە اسكەري قىزمەتكەرلەرگە بۇيرىعىم: ەگەر بىرەۋلەر قيىندىق تۋىنداتسا نەمەسە ادامدار قارسىلاسىپ، پوليسياعا ءقاۋىپ توندىرسە، ولاردى اتىڭدار. تۇسىنىكتى مە؟ اتىڭدار. قارسىلاسقانداردى مەن ءوزىم جەرلەيمىن، – دەدى فيليپپين پرەزيدەنتى.

فيليپپين پرەزيدەنتىنىڭ بۇل ءسوزدى پاندەميا كەزىندە بىرنەشە رەت تارتىپسىزدىكتەر تۋرالى حابارلامالار شىققاننان كەيىن ايتىلعان.

Amnesty International حالىقارالىق ۇيىمى فيليپپين پرەزيدەنتىنىڭ ادام قۇقىقتارىنا قايشى بۇل سوزدەرىن ايىپتادى.

فيليپپيندە كوروناۆيرۋس شەكتەۋى مەن كومەندانتتىق ساعات بۇيرىعىنا بايلانىستى زاڭ بۇزۋشىلىقتار ءۇشىن 17 مىڭنان استام ادام قاماۋعا الىنعان.

ولارعا قاتىستى بىرنەشە ساعات بويى ىستىق كۇندە تۇرعىزىپ قويۋ، يتتەرگە ارنالعان تورلارعا قاماۋ، تاياققا جىعۋ سەكىلدى جازا قولدانىلۋى مۇمكىن.

تالعار دالەلعازى