دەنساۋلىق ساقتاۋ مينيسترلىگى 3 ءساۋىر ساعات 18.10-دا ەلدە تاعى جەتى ادامنان كوروناۆيرۋس تابىلعانىن حابارلادى. مينيسترلىك تاراتقان حابارلاماعا قاراعاندا، تۇركىستان وبلىسىندا ءۇش ادامنان، جامبىل وبلىسىندا ەكى ادامنان، قوستاناي جانە شىعىس قازاقستان وبلىسىندا ءبىر-بىر ادامنان ۆيرۋس انىقتالعان.
قوستانايدا ۆيرۋس العاش رەت تابىلىپ وتىر. وسىلايشا ىندەت قازاقستاننىڭ بارلىق ايماعىنا تارادى.
رەسمي مالىمەت بويىنشا، 13 ناۋرىزدان بەرى ەلدە 460 ادام ۆيرۋس جۇقتىرعان. ولاردىڭ اراسىندا 28 مەديسينا قىزمەتكەرى بار. ەلدە بۇگىنگى كۇنگە دەيىن ءۇش ادام كوروناۆيرۋستان كوز جۇمىپ، 29 ادام جازىلىپ شىقتى.
پىكىر قالدىرۋ