قازاقستان رەسپۋبليكاسىنىڭ سىرتقى ىستەر مينيسترلىگىندە قىتايدىڭ قر-داعى ەلشىسى چجان سياومەن كەزدەسۋ ءوتىپ، ونىڭ بارىسىندا قازاقستاندىق تاراپ قىتايلىق www.sohu.com سايتىنداعى «قازاقستان نەگە قىتايعا ورالۋعا تىرىسادى» اتتى ماقالاعا قاتىستى نارازىلىق ءبىلدىرىلدى.
جۇڭگو ەلشىسىنە مۇنداي سيپاتتاعى ماقالانىڭ جاريالانۋى 2019 جىلعى 11 قىركۇيەكتە مەملەكەت باسشىلارى قول قويعان قازاقستان رەسپۋبليكاسى مەن جۇڭگو حالىق رەسپۋبليكاسىنىڭ بىرلەسكەن مالىمدەمەسىندە ايقىندالعان ماڭگىلىك جان-جاقتى ستراتەگيالىق ارىپتەستىك رۋحىنا سايكەس كەلمەيتىندىگى اتاپ ءوتىلدى. تاراپتار اقپارات تاراتۋ جانە ب ا ق سالاسىندا تىعىز ءوزارا ىقپالداسۋعا كەلىستى.
سونداي-اق، قر-دىڭ پەكيندەگى ەلشىلىگى قحر سىرتقى ىستەر مينيسترلىگىنە ءتيىستى نوتا جولدادى.
بۇعان دەيىن قىتايدىڭ تانىمال سايتىندا قازاقستاندى قىتايعا قاشان قوسامىز؟ دەگەن مازمۇندا ماقالا جاريالانعان بولاتىن.
پىكىر قالدىرۋ