بۇگىن، 14 ساۋىردە قازاقستانداعى جۇڭگو ەلشىسى چجان سياومەن كەزدەسكەن قازاقستان سىرتقى ىستەر مينيسترلىگىنىڭ وكىلى وسىدان بىرنەشە كۇن بۇرىن قىتايلىق Sohu.com سايتىندا جاريالانعان "قازاقستان نەگە قىتايعا ورالۋعا تىرىسادى" اتتى ماقالاعا قاتىستى نارازىلىق ءبىلدىردى. بۇل تۋرالى سىرتقى ىستەر مينيسترلىگىنىڭ رەسمي سايتى حابارلادى.
سايت تاراتقان حابارلاماعا قاراعاندا، قازاقستاندىق ديپلوماتتار جۇڭگو ەلشىسىنە مۇنداي سيپاتتاعى ماقالانىڭ جاريالانۋى 2019 جىلعى 11 قىركۇيەكتە ەكى ەل پرەزيدەنتتەرى قول قويعان قازاقستان مەن قىتايدىڭ بىرلەسكەن مالىمدەمەسىندەگى ستراتەگيالىق ارىپتەستىك رۋحىنا سايكەس كەلمەيتىنىن ايتقان. بۇعان قوسا، قازاقستاننىڭ قىتايداعى ەلشىلىگى قىتايدىڭ سىرتقى ىستەر مينيسترلىگىنە نارازىلىق نوتا جولداعان.
وسىدان ءبىر اپتا بۇرىن قىتايلىق Sohu.com سايتى "قازاقستان قىتايدىڭ تەرريتورياسى بولعان، ەندى ونى قاشان قايتارىپ الامىز" دەگەن مازمۇندا اقپارات تاراتقان. بۇل ماقالا الەۋمەتتىك جەلىدە قىزۋ تالقىلاندى. قامشى پورتالى ماقالانى قازاقشاعا اۋدارعان.
پىكىر قالدىرۋ