3 ميلليونعا جۋىق ادامعا 42 500 تەڭگە الەۋمەتتىك تولەم تولەۋدەن باس تارتىلدى. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ءتۇسىندىردى.
– ءبىز 3 ميلليونعا جۋىق ادامنىڭ وتىنىشىنەن باس تارتتىق. وسىعان قاتىستى دا ساۋالدار ءتۇسىپ جاتقاندىقتان تۇسىندىرە كەتەيىن. ءبىرىنشىسى، جەكە سايكەستەندىرۋ ءنومىرىن دۇرىس كورسەتپەگەن. 12 سيفردى جاڭىلىسپاي، تياناقتى تۇردە دۇرىس كورسەتكەندەرىڭىز ءجون. سەبەبى ءجسن-دى تەكسەرگەندە سىزدىكى ەمەس، باسقا ادامدىكى بولىپ شىعۋى مۇمكىن. سوندىقتان مۇنداي قاتەلەردى تۇزەتىپ، قايتا جىبەرۋ كەرەك. 160 مىڭداي ادام وسىنداي قاتە جىبەرگەن، – دەدى ب. نۇرىمبەتوۆ.
ەسكە سالا كەتسەك، مينيستر "42 500 تەڭگە العاندار قىلمىستىق جازاعا تارتىلمايدى" دەپ مالىمدەگەن بولاتىن.
