الماتىدا جۇمىسىن قايتا باستاعان كاسىپورىنداردىڭ ءتىزىمى

/image/2020/04/20/crop-183_7_706x941_news1522400978.jpg
20 ساۋىردەن باستاپ الماتىدا ونەركاسىپتىك كاسىپورىندار، قۇرىلىس نىساندارى جانە زاڭدى تۇلعالارعا قىزمەت كورسەتۋ ءۇشىن حقكو ءوز جۇمىسىن باستادى.

اتالعان كاسىپورىندارعا ءوندىرىس كەزىندە سانيتارلىق-ەپيدەميولوگيالىق قاۋىپسىزدىكتى قامتاماسىز ەتۋ تالاپتارىنىڭ ساقتالۋىنا اۋديت جۇرگىزىلدى. ءاۋديتتى الماتى قالاسىنىڭ كاسىپكەرلىك جانە ينۆەستيسيالار باسقارماسى، تاۋارلار مەن قىزمەتتەردىڭ ساپاسى مەن قاۋىپسىزدىگى دەپارتامەنتى جانە «اتامەكەن» الماتى وكپ قىزمەتكەرلەرى كىرەتىن جۇمىس توپتارى جۇرگىزەدى.

بۇرىن حابارلانعانداي، مەملەكەتتىك كوميسسيانىڭ شەشىمىمەن 20 ساۋىردەن باستاپ الماتى قالاسىندا كاسىپورىنداردى كەزەڭ-كەزەڭىمەن ىسكە قوسۋ اياسىندا: ونەركاسىپتىك كاسىپورىندار، قۇرىلىس كومپانيالارى، سونداي-اق الدىن الا جازىلۋ بويىنشا نوتاريۋستار جانە تەك بيزنەسكە قىزمەت كورسەتۋ ءۇشىن ناۋرىزباي اۋدانىنداعى حقكو-نىڭ ءبىر بولىمشەسىنىڭ جۇمىسىنا رۇقسات ەتىلگەن.

وسى سالالارداعى كاسىپورىنداردى ىسكە قوسۋ اۋديتتەن وتكەننەن كەيىن جانە كاسىپورىنداردىڭ دايىندىعى جانە بارلىق سانيتارلىق-ەپيدەميولوگيالىق تالاپتاردى ساقتاۋ تۋرالى وڭ شەشىم العاننان كەيىن مۇمكىن بولماق. تەكسەرۋدى جەرگىلىكتى اتقارۋشى ورگاندار وكىلدەرىنىڭ، «سەس» ماماندارى جانە «اتامەكەن» ۇكپ قىزمەتكەرلەرىنىڭ جۇمىس توپتارى جۇرگىزەدى.
اتالعان كاسىپورىندار جۇمىسى ىسكە قوسىلعاننان كەيىن ولار باقىلاۋعا الىنادى جانە ءتارتىپ بۇزۋشىلىقتار انىقتالعان جاعدايدا ولارعا قىزمەتىن توقتاتۋعا دەيىن شارا قولدانىلادى.

قىزمەتكەرلەردى COVID-19 ىندەتىنەن قورعاۋ جونىندەگى ءىس-شارالاردىڭ تولىق ءتىزىمى قالانىڭ بارلىق ونەركاسىپ جانە قۇرىلىس نىساندارى ءۇشىن ازىرلەنگەن. جۇمىس بەرۋشىلەر قاتاڭ سانيتارلىق نورمالاردى ساقتاۋ ءۇشىن دەربەس جاۋاپكەرشىلىككە يە.

ماسەلەن، نىسانداردا تەپلوۆيزورلاردىڭ كومەگىمەن جانە جۋرنالعا تىركەۋمەن بايلانىسسىز تەرمومەتريا مەن دەنساۋلىق جاعدايىنا بايلانىستى ساۋالناما جۇرگىزۋ ارقىلى كۇندەلىكتى اۋىسىم الدىنداعى مەديسينالىق تەكسەرۋ تالاپ ەتىلەدى. بارلىق قىزمەتكەرلەردى مەديسينالىق بەتپەردەلەر جانە قولعاپتارمەن، دەزينفەكسيالاۋشى ورامالدارمەن، سونىمەن قاتار تەرى انتيسەپتيكتەرىمەن، سانيتايزەرلەرمەن قامتاماسىز ەتۋ قاجەت.
 
سونىمەن قاتار، جۇمىسشىلاردىڭ توپ بولىپ جينالماۋىن قاداعالاۋ كەرەك. ولار بارىنشا اراقاشىقتىقتى ساقتاۋعا مىندەتتى. جيىنداردىڭ سانىن بارىنشا قىسقارتۋ، سونداي-اق ادامداردىڭ ءبىر جەردە كوپ شوعىرلانۋىن، سونىمەن قاتار، اسحانالاردا بولدىرماۋ ماڭىزدى. ءۇي-جايلاردا تۇراقتى دەزينفەكسيا جانە ىلعالدى تازالاۋ، جەلدەتۋ جانە اۋا باپتاۋ جۇيەلەرى، سونداي-اق جەكە گيگيەنا ءۇشىن سانيتارلىق توراپتار جانە ت. ب. جۇمىس ىستەۋى ءتيىس.

ءجىتى رەسپيراتورلىق جۇقپالار (جوعارى تەمپەراتۋرا، جوتەل، مۇرىن) جانە باسقا دا جۇقپالى اۋرۋلار بايقالاتىن قىزمەتكەرلەردى جۇمىسقا جىبەرۋگە تىيىم سالىنادى. بۇل جاعدايدا قىزمەتكەردى دەرەۋ وقشاۋلاپ، جەدەل مەديسينالىق جاردەم بريگاداسىن شاقىرۋ قاجەت.

وسىعان بايلانىستى ءتيىستى اۋديت جانە كاسىپورىننىڭ كارانتين جاعدايىندا جۇمىس ىستەۋگە دايىندىعى تۋرالى قورىتىندى جۇرگىزىلگەننەن كەيىن عانا ولارعا قىزمەتكەرلەر مەن كولىك قۇرالدارى تۋرالى دەرەكتەر infoalmaty.kz بازاسىنا ەنگىزىلە وتىرىپ، قالا ىشىندە جۇرۋلەرىنە رۇقسات بەرىلەتىن بولادى.
 
 
قاتىستى تەگتەر :

پىكىر قالدىرۋ

قاتىستى ماقالالار