كەشە مەگاپوليستە جاڭادان 54، بۇگىنگى كۇنى 24 جاعداي انىقتالدى. بۇل تۋرالى اكىمشىلىكتىڭ باسپا ءسوز قىزمەتى حابارلادى.

ونىڭ ىشىندە ​ ورتالىق قالالىق اۋرۋحانانىڭ كارانتيندەگى 22 مەديسينا قىزمەتكەرى، №1 قالالىق كلينيكالىق اۋرۋحانانىڭ پروۆيزورلىق ستاسيونارىنىڭ 2 قىزمەتكەرى، بالالار قالالىق جۇقپالى اۋرۋلار اۋرۋحاناسىنىڭ 10 قىزمەتكەرى، 4 مەديسينالىق جەدەل جاردەم قىزمەتىنىڭ 4 قىزمەتكەرى جانە ۆيرۋس جۇقتىرعان اداممەن بايلانىستا بولعان 40 ادام بار.

جالپى الماتىدا كوروناۆيرۋستىق ينفەكسيا جۇقتىرۋدىڭ راستالعان 756 جاعدايى تىركەلدى. 88 ادام قاجەتتى ەم شارالارىن قابىلداپ، ەمحانادان شىعارىلعان.

قازىرگى ۋاقىتتا جۇقپالى اۋرۋلار ستاسيونارلارىندا كوروناۆيرۋستىق ينفەكسيادان الماتى وبلىسىنان ايەل ادامدى – پاسيەنتتى ەسەپكە العاندا، 663 پاسيەنت ەمدەلۋدە.

ەكى ادامنىڭ جاي-كۇيى – وتە اۋىر، 24 ادام – اۋىر حالدە، 198 پاسيەنت اۋىرلىقتىڭ ورتاشا دارەجەسىندە جانە قالعان ناۋقاستاردا – قاناعاتتانارلىق.

پروۆيزورلىق ورتالىقتاردا 440 ادام، ونىڭ ىشىندە 15ء-ى بالا، كارانتيندىك وقشاۋلاۋدا – 421 (5 بالا)، ءۇي كارانتينىندە – 10 093 ازامات بار.