تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ ءتوراعاسى تيمۋر سۇلتانعازييەۆ قازاقستاندا 820 مەديسينا قىزمەتكەرىنىڭ كوروناۆيرۋس جۇقتىرعانىن مالىمدەدى.

– ەلدە ىندەت جۇقتىرعان ادامداردىڭ 30 پايىزى مەديسينا قىزمەتكەرلەرى. ولاردىڭ سانى 820-عا جەتتى. ونىڭ نەگىزگى بولىگى – ورتا مەديسينا قىزمەتكەرلەرى جانە كىشى مەديسينالىق پەرسونال. ايتا كەتەتىن ءجايت جۇقپالى اۋرۋحانالاردا ۆيرۋس جۇقتىرعان دارىگەرلەر سانى از، – دەدى ت. سۇلتانگازييەۆ.

سونىمەن بىرگە، سپيكەر ينفەكسيالىق ستاسيونارعا قاراعاندا ادەتتەگى ەمحانا مەن اۋرۋحانا قىزمەتكەرلەرىنىڭ ءجيى اۋىراتىنىن ايتتى.

– جۇقپالى اۋرۋلار اۋرۋحاناسىندا ماماندار جەكە قورعانىس قۇرالدارىمەن جۇرەدى جانە ينفراقۇرىلىمنىڭ ءوزى «تازا» جانە «لاس» اۋماقتارعا بولۋگە مۇمكىندىك بەرەدى. ال ەمحانالار مەن كوپبەيىندى اۋرۋحانالاردا مۇنداي ءبولۋ قيىنعا سوعادى. ونىڭ ۇستىنە كەلۋشىلەر سانى كوپ، ولاردان ۆيرۋس جۇقتىرۋ ىقتيمالدىعى دا ارتادى. تاۋلىك بويى عيماراتتاعى مەديسينالىق ماماندار ىقتيمال ناۋقاستارمەن ءبىر اۋانى جۇتۋعا ءماجبۇر، – دەدى ت. سۇلتانعازييەۆ.

ەسكە سالا كەتەيىك، ۇلىبريتانيا الەم ەلدەرىندەگى كوروناۆيرۋستىق ءولىم-جىتىم مولشەرىن سالىستىراتىن گرافيكتەن قىتايدى الىپ تاستادى.