ق ر دسم تاۋارلار مەن قىزمەتتەردىڭ قاۋىپسىزدىگى مەن ساپاسىن باقىلاۋ كوميتەتىنىڭ ءتوراعاسى تيمۋر سۇلتانعازييەۆ كوشەدە ماسكا تاعىپ جۇرۋگە كەڭەس بەردى. بۇل تۋرالى ءىnform.kz حابارلادى.

– ماسكا تاعۋ – اعزانى ۆيرۋستان قورعاۋدىڭ ءبىر مەحانيزمى ەكەنىن ءتۇسىنۋىمىز قاجەت. جابىق عيماراتتا، ياعني دۇكەندەر مەن ءدارىحانادا، كولىك ىشىندە ماسكا تاعۋ مىندەتتەلگەن. اسىرەسە، اۋرۋ بەلگىسى بايقالعان ادامداردىڭ قاسىندا نەمەسە وزىڭىزدە قىزۋ، جوتەل، تۇشكىرۋ پايدا بولسا، مىندەتتى تۇردە ماسقا تاعىڭىز، – دەدى ت. سۇلتانعازييەۆ.

سونىمەن قاتار ول بريفينگ بارىسىندا دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىن اتاپ ءوتتى.

– ددسۇ-نىڭ مالىمدەۋىنشە، ادام 3-5 مينۋت سايىن بەتىن ۇستايدى. بۇل دا COVID-19 جۇقتىرۋ ءقاۋپىن كۇشەيتەدى. وسىعان بايلانىستى، بارلىق جاستاعى ادامدارعا كوشەدە دە ماسكا تاعىپ جۇرۋگە كەڭەس بەرەمىز. اسىرەسە، كوپتەگەن ادامدار ماسكامەن اۋزىن جابادى دا، مۇرنىن اشىق قالدىرادى. ماسكانى 2-3 ساعات سايىن اۋىستىرمايدى. ارينە، ماسكادان بولەك، قول جۋۋ، انتيسەپتيكپەن ءسۇرتۋ سىندى وزگە دە قاعيدالاردى ۇستانعان ءجون، – دە ايتتى ت. سۇلتانعازييەۆ.