نۇر-سۇلتان – الماتى باعىتىنداعى ۇشاق بيلەتىنىڭ باعاسى بەكىتىلدى. بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگىنىڭ تelegram پاراقشاسىندا جاريالاندى.
"مەملەكەت باسشىسىنىڭ تاپسىرماسىنا سايكەس توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيا وسى جىلدىڭ 1 مامىرىنان باستاپ كۇنىنە 4 رەيس جيىلىگىمەن نۇر-سۇلتان جانە الماتى قالالارى اراسىندا اۋە رەيستەرىن اشۋ تۋرالى شەشىم قابىلدادى. سۇرانىس جوعارى باعىت بويىنشا ۇشۋدىڭ باستالۋى – سالانى قالپىنا كەلتىرۋدىڭ العاشقى قادامى بولماق. اۋە رەيستەرى ق ر دسم كولىكتەگى باس سانيتار دارىگەر بەلگىلەگەن سانيتارلىق قاۋىپسىزدىك تالاپتارىن ساقتاۋ ارقىلى ورىندالادى. قازاقستان اۋە كومپانيالارى كۇردەلى جاعدايدى تۇسىنە وتىرىپ، بيلەت باعاسىن ساتىپ الۋ كۇنى مەن ۋاقىتىنا بايلانىستى 7-دەن 30 مىڭ تەڭگەگە دەيىنگى ارالىقتا بەلگىلەدى" دەلىنگەن مينيسترلىك تاراتقان حابارلامادا.
مينيسترلىكتىڭ ايتۋىنشا الداعى ۋاقىتتا، جاعداي جاقسارعان كەزدە ىشكى رەيستەر سانىن جانە اۋە كەمەلەرىنىڭ سىيىمدىلىعىن ارتتىرۋ ماسەلەسى قاراستىرىلادى.
ەسكە سالا كەتەيىك، نۇر-سۇلتان مەن الماتى اراسىنداعى اۋە رەيستەرىنىڭ كەستەسى جاريالاندى.
پىكىر قالدىرۋ