الماتىنىڭ مەملەكەتتىك باس سانيتارلىق دارىگەرى جانداربەك بەكشين قالادا كوروناۆيرۋسقا جۇرگىزىلىپ جاتقان تەستتەر سانى كۇنىنە 2،5 مىڭ، 3 مىڭعا جەتكىزىلەتىن بولادى دەپ ايتتى. 

ونىڭ ايتۋىنشا، كوروناۆيرۋستى انىقتاۋ بويىنشا وسى ۋاقىتقا دەيىن 46 مىڭ تەست الىنىپ، زەرتحانادا تالداۋ جاسالدى.

– قازىرگى ۋاقىتتا كۇنىنە 2 مىڭداي تەست جۇرگىزىلۋدە، بۇل كورسەتكىشتى 2،5-3 مىڭعا دەيىن جەتكىزۋدى كوزدەپ وتىرمىز. سىنامالاردىڭ ناتيجەسى ءبىر كۇن ىشىندە دايىن بولادى. وسى ارالىقتا 11 مىڭداي مەديسينا قىزمەتكەرىنەن تەست الىندى. سونىمەن قاتار، مەديسينا قىزمەتكەرلەرىنىڭ كوروناۆيرۋستى جۇقتىرىپ الماۋىنا باعىتتالعان ەرەجەلەر مەن تالاپتار دا كۇشەيتىلىپ وتىر، – دەدى جانداربەك بەكشين.

سونىمەن قاتار، ول الماتىدا 6 زەرتحانا پتر دياگنوستيكاسى بويىنشا جۇمىس ىستەيتىنىن اتاپ ءوتتى.