سولتۇستىك كورەيانىڭ دەفەكتورى كيم چەن ىننىڭ ولگەنى قاشان جاريالاناتىنىن ايتتى. ونىڭ سوزىنشە، كيمنىڭ قارىنداسى بيلىككە كەلەدى. بۇل تۋرالى قامشى ءتىلشىسى بريتانيالىق The Mirror باسىلىمىنا سىلتەمە جاساپ حابارلايدى.
سولتۇستىك كورەيادان قاشىپ شىققان زاڭ شىعارۋشى دجي سونگ حونىڭ ايتۋىنشا، كيم چەن ىن ءبىر اپتا بۇرىن كوز جۇمعان. ونىڭ سوزىنشە، پحەنيان وسى اپتانىڭ سوڭىندا ديكتاتوردىڭ ولگەنىن جاريالايدى.
پحەنياننان قاشىپ، جاقىندا وڭتۇستىك كورەيادا زاڭ شىعارۋشى بولعان ول كيم چەن ىننىڭ ولگەنىنە "99%" سەنىمدى ەكەنىن ايتادى.
دجي سونگ حو الدىڭعى اپتادا پحەنيان ديكتاتورىنىڭ كوز جۇمعانىن جانە ونىڭ مۇراگەرى رەتىندە كيمنىڭ قارىنداسى كيم ءو چجون تاڭدالعانىن ايتتى.
"كيم چەن ىن قازا تاپتى"، "ۆەگەتاتيۆتى كۇيدە بولدى" نەمەسە "جۇرەككە جاسالعان وتادان كەيىن قالپىنا كەلدى" دەگەن راستالماعان ءتۇرلى مالىمدەمەلەر تاراپ جاتقان كەزدە، زاڭ شىعارۋشىعا "كيم چەن ىن وتكەن اپتادا جۇرەك-قان تامىرلارى وتاسىنان كەيىن ءولدى" دەگەن حابار كەلگەن.
ونىڭ ايتۋىنشا، سولتۇستىك كورەيا ءوزىنىڭ كوشباسشىسىنىڭ كوز جۇمعانىن راستاۋدى جانە ازا تۇتۋ مەرزىمىن جاريالاۋدى كەشىكتىرگەن سەبەبى بار: "ولار كۇردەلى مۇراگەرلىك ماسەلەسىمەن كۇرەسۋدە" دەدى دجي سونگ حو.
