«الەۋمەتتىك مەديسينالىق ساقتاندىرۋ قورى» ماڭعىستاۋداعى فيليالىنىڭ وكىلدەرى ەپيدەمياعا قارسى شارالارعا قاتىساتىن مەديسينالىق ۇيىمداردى قارجىلاندىرۋ تۋرالى مالىمەت بەردى.

بۇعان دەيىن ب ا ق بەتتەرىندە ايتىلعانداي، دەنساۋلىق ساقتاۋ مينيسترلىگى ەپيدەمياعا قارسى ءىس-شارالارعا قاتىساتىن مەديسينالىق قىزمەتكەرلەردى ىنتالاندىرۋ تۋرالى شەشىم قابىلدانعان بولاتىن. قىزمەتكەرلەردىڭ جالاقىسىنا ۇستەمەاقى بەلگىلەۋ ەرەجەلەرى ازىرلەندى، وندا تاۋەكەل توپتارى، الۋشىلاردىڭ تىزىمدەر قالىپتاستىرۋ ءتارتىبى جانە تولەمدەردىڭ مولشەرلەرى انىقتالدى.

مەديسينالىق قىزمەتكەرلەرگە ۇستەمەاقى تاۋەكەل توپتارىنا بايلانىستى تولەنەدى: 212،5 مىڭ تەڭگەدەن (5 تجم) 850 مىڭ تەڭگەگە دەيىن (20 تجم).

ۇستەمەاقى الۋشىلاردىڭ تىزىمدەرىن جەدەل شتابتاردا قۇرىلعان ايماقتىق كوميسسيالار قۇرايدى. كوميسسيا ءتوراعاسى اكىم ورىنباسارى سانالادى. كوميسسيالاردىڭ قۇرامىنا دەنساۋلىق ساقتاۋ بولىمدەرى،  وڭىرلىك باس مەملەكەتتىك سانيتارلىق دارىگەر، ۇكىمەتتىك ەمەس ۇيىمداردىڭ جانە ت. ب. وكىلدەرى كىرەدى.

ۇستەماقى رەسپۋبليكالىق بيۋدجەت ەسەبىنەن تولەنەدى. تولەمدەر كوميسسيالار ۇسىنعان تىزىمدەرگە سايكەس قور ارقىلى بەرىلەدى. 

بۇل ماسەلە ءۇشىن رەسپۋبليكا بويىنشا 35،7 ملرد تەڭگە بولىنگەن. قور ستاسيونارلارمەن كەلىسىم-شارتتار جاسادى. ەلىمىزدە ناۋرىز ايى بويىنشا 17،4 مىڭنان استام مەديسينالىق قىزمەتكەرگە 3،3 ملرد. تەڭگەدەن استام قاراجات جىبەرىلدى.

ماڭعىستاۋ وبىسى بويىنشا 6 دەنساۋلىق ساقتاۋ مەكەمەسى كورونوۆيرۋستىق ينفەكسياسىنا قارسى شارالارعا ارنالعان جۇمىستارعا قاتىسۋدا.

-وسى اتالعان 6 مەديسينالىق مەكەمەنىڭ قىزمەتكەرلەرىنە ناۋرىز ايىنا ءتيىستى قاراجات اۋدارىلدى. قوسىمشا ۇستەماقىنى 353 قىزمەتكەر الدى، ونىڭ 48ء-ى دارىگەر،174ء-ى ورتا مەديسينالىق قىزمەتكەر،83ء-ى كىشى مەديسيسنالىق قىزمەتكەر جانە 48ء-ى باسقا دا مەديسينالىق قىزمەت كورسەتكەندەر، – دەپ مالىمدەدى «الەۋمەتتىك مەديسينالىق ساقتاندىرۋ قورى» كەاق ماڭعىستاۋ وبلىسى بويىنشا ديرەكتورى ر.بەكتۋبايەۆ.

قوردىڭ قارجى وپەراتورى رەتىندەگى ءرولى تەك قارجىلاردى تولەۋ عانا ەمەس، «COVID-19 كوروناۆيرۋسىمەن كۇرەسۋ اياسىندا ەپيدەمياعا قارسى ءىس-شارالارعا قاتىساتىن دەنساۋلىق ساقتاۋ ۇيىمدارىنىڭ قىزمەتكەرلەرىن قارجىلاي قولداۋدىڭ كەيبىر ماسەلەلەرى تۋرالى» دەنساۋلىق ساقتاۋ ءمينيسترىنىڭ بۇيرىعىنا بەرىلگەن مالىمەتتەردىڭ سايكەستىگىن تەكسەرۋ دا بولىپ تابىلادى. وسىعان وراي، قور ۇستەماقى الۋشىلاردىڭ تىزىمدەرىن تەكسەرۋ بويىنشا ۇلكەن جۇمىستار جۇرگىزەدى.

«الەۋمەتتىك مەديسينالىق ساقتاندىرۋ قورى» باسقارما ءتوراعاسى جۇماگۇلوۆ ايباتىر نىشانباي ۇلى بولجام بويىنشا قولداۋ كورسەتىلەتىن مەديسينالىق قىزمەتكەرلەردىڭ سانى ەكى ەسەگە دەيىن ارتادى دەگەن پىكىردە.