ەلىمىزدە توتەنشە جاعداي جاريالانىپ، ماڭعىستاۋ وڭىرىندە كارانتين رەجيمى ەنگىزىلگەن كۇننەن باستاپ مەديسينا قىزمەتكەرلەرىنىڭ جۇمىسى قيىنداي تۇسكەنى وزدەرىڭىزگە ءمالىم. بۇل رەتتە، وڭىردەگى جومارت جاندار اق حالاتتى ازبال جاندارمەن بىرگە ەكەندىگىن كورسەتىپ، دالەلدەدى. اسىرەسە شاعىن جانە ورتا بيزنەس وكىلدەرى وزدەرى قولداۋ كرسەتۋگە نيەت ءبىلدىرىپ، ازىق-تۇلىك، گيگيەنالىق زاتتار، مەديسينا قىزمەتكەرلەرىنە قاجەتتى ارنايى كيىمدەر جانە تاعى باسقا قاجەتتى زاتتار ساتىپ الىپ بەردى.

-ماڭعىستاۋ وبلىسى اكىمدىگىنىڭ تىكەلەي قولداۋىمەن «Covid-19» ىندەتىمەن كۇرەسىپ جاتقان مەديسينالىق ۇيىمدارعا 428 دانا قورعانۋ كوستيۋمدەرى بەرىلگەن بولاتىن. ونىڭ 249 داناسى جەدەل جاردەم قىزمەتىنە، 154 داناسى ماڭعىستاۋ وبلىستىق اۋرۋحاناسىنا، 25 داناسى وبلىستىق تۋبەركۋلەزگە قارسى ديسپانسەرىنە بەرىلدى. سونىمەن قاتار 38 قورعانۋ كوزىلدىرەكتەرى، 486 حالاتتار، 10 تەپلوۆيزور تاعى بار. وبلىستىق ينفەكسيالىق اۋرۋحانانى جوندەۋدەن وتكىزۋگە ىقپال ەتتى، دەيدى وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى نۇربول وقۋوۆ.

«ۇلتتىق رۋح» قوعامدىق بىرلەستىگى 10 دانا پۋلسو-كسيمەتر ساتىپ الىپ بەردى. بىرىككەن اراب امىرلىگى گۋممانيتارلىق كومەك قولىن سوزدى. 532 دانا كومبينەزون، 560 دانا قورعاۋ كيىمدەرى، 10500 دانا قولعاپ، 1120 باحيلا، 210 سانيتايزەر. 

«الي بابا» كومپانياسى «ZHENDE» فيرماسى شىعاراتىن 200 دانا قورعانىش كوستيۋمدەرى، 10.000 دانا «KINGSTAR» جانە 1980 دانا «YUNDA» فيرماسى وندىرەتنى ادامنىڭ بەتىن قورعايتىن بەتپەردەلەر، 290 دانا «DJM» قورعانىش بەتپەردەسى، 8 دانا تەرمومەتر بولگەن بولاتىن. سۋار ۇكىمەتى دە شەت قالمادى. قورعانىش كوستيۋمدەرى، بەتپەردەلەر، كاپسۋلالار، گرانۋرالار، دارىلەر بەرىپ جىبەردى. 

«NCOC» كومپانياسى «ۆيراج» اۆتوسالونىنان گازەل ماركالى سۋ جاڭا 3 اۆتوكولىگىن تابىستادى. ونىڭ ءار قايسىسى 17 ملن تەڭگەدەن تۇرادى. الداعى ۋاقىتتا «NCOC» كومپانياسى تاعى دا قولداۋ كورسەتۋگە نيەت ءبىلدىرىپ وتىر. 

سونداي-اق، سانيتارلىق اۆتوكولىكتەردى جوندەۋدەن شىعارۋعا كومەك قولىن سوزعان جەرگىلىكتى كاسىپكەرلەردى دە اتاپ ءوتۋىمىز كەرەك. بارلىعى 50-گە جۋىق قاجەتتى بولشەكتەر بەرىلىپ، بۇزىلىپ تۇرعان تەمىر تۇلپارلار قايتا جولعا شىعىپ، بۇگىندە شاقىرتۋلارعا بارىپ ءجۇر. 

سونىمەن قاتار ينفەكسيا بولىمشەسىنە، وبسەرۆاسيانىڭ مەديسينالىق قىزمەتكەرلەرىنە «Nur Otan» پارتياسى ماڭعىستاۋ وبلىستىق فيليالى،  وبلىستىق ءماسليحاتىنىڭ دەپۋتاتى ابات ورىسبايەۆ، «ىسكەر ايەلدەر قاۋىمداستىعى» وبلىستىق فيليالىنىڭ جەتەكشىسى، «پرەستيج» مەكەمەسىنىڭ باسشىسى يرينا بەليايەۆا، «اك-نەك» ءجشس-نىڭ ديرەكتورى زارەتا فاتالييەۆا، جەكە كاسىپكەر شامراد تلەۋبايەۆ، «BIO WATER GROUP» ديرەكتورى ولجاس المەرەكوۆ، «كلۋب دوبرياكوۆ» ەرىكتىلەر قوزعالىسى، «Nomad» كومپانياسى، يمانعازى يبات ۇلى باستاعان «ءبىر ادامدار – ءبىز بىرگەمىز» قايىرىمدىلىق قورى، «ماڭعىستاۋ – ادالدىق الاڭى» جوبالىق كەڭسەسى، وڭىرلىك «اتامەكەن» كاسىپكەرلەر پالاتاسى جانە ت.ب. جاناشىر جاندار بارىنشا قولداۋ كورسەتىپ، ءبىرىنشى قاجەتتىلىكتەردى جەتكىزۋدە. 

ماسەلەن، «General Equipment Qazaqstan» ج ش س ديرەكتورى نۇربولات ايتۋاروۆ اق حالاتتى ابزال جانداردى ىستىق تاعاممەن قامتۋ ءۇشىن ءوز ەسەبىنەن 430.000 مىڭ قاراجاتىن شىعارعان. 

وسىناۋ قيىن كەزدە كومەك قولىن سوزعان بارلىق جومارت جاندارعا العىسىمىز شەكسىز.