بۇگىن الماتىدا Covid-19 ينفەكسياسىن جەڭگەن تاعى 6 ناۋقاس جازىلىپ شىقتى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.

ولاردىڭ بەسەۋى – ايەل ادام بولسا، بىرەۋى – ەر ادام.

ولاردىڭ ءبارى اۋرۋحانادان شىققان سوڭ بىردەن 14-كۇندىك ءۇي كارانتينىنە كوشىرىلدى.

ايتا كەتەيىك، اۋرۋدان جازىلىپ شىققان ەكى ناۋقاس 16 ناۋرىز كۇنى ستامبۇلدان كەلسە، ەكى ادام 10 ناۋرىز كۇنى ماسكەۋ – الماتى باعىتىمەن ۇشىپ كەلگەن. تاعى بىرەۋى 13 ناۋرىز كۇنى بەرليننەن كەلسە، ەندى ءبىر ادام وسى ينفەكسيا جۇقتىرعان ناۋقاسپەن بايلانىستا بولعان.

سونىمەن قازىرگى ۋاقىتتا كوروناۆيرۋس ينفەكسياسىنان ەمدەلىپ، جازىلىپ شىققانداردىڭ جالپى سانى الماتىدا – 19 ادام.

ەسكەرتە كەتەيىك، بۇگىنگى كۇنى قالالىق جۇقپالى اۋرۋلار اۋرۋحاناسىندا كوروناۆيرۋس ينفەكسياسىن جۇقتىرعان دەگەن دياگنوزبەن 91 ناۋقاس جاتىر. ولاردىڭ بىرەۋى الماتى وبلىسىنىڭ تۇرعىنى (ايەل ادام).

جالپى العاندا، پروۆيزورلىق ورتالىقتاردا بۇگىندە 655 ادام بار، ولاردىڭ 83ء-ى بالا، ەكى كۇندىك كارانتيندە 523 ازامات، ال ءۇي كارانتينىندە 4411 ادام جاتىر.