اسكەردە جۇرگەنىنە ءبىر جىل بولىپ قويعان مەرزىمدى اسكەري قىزمەتشىلەر توتەنشە جاعداي رەجيمى الىنعاننان كەيىن عانا زاپاسقا شىعارىلادى. بۇل تۋرالى ق ر قارۋلى كۇشتەرى باس شتابىنىڭ ۇيىمداستىرۋ، جۇمىلدىرۋ جۇمىستارى دەپارتامەنتىنىڭ باستىسى ساكەن ءجۇسىپوۆ ءمالىم ەتتى، دەپ حابارلايدى قازاقپارات.
– ازاماتتاردى اسكەرگە شاقىرۋ توتەنشە جاعداي رەجيمى الىنعاننان كەيىن قايتا جۇرگىزىلەدى. 31 تامىزعا دەيىن ۇزارتىلادى. 2019 جىلى كوكتەمدە اسكەرگە شاقىرىلعان اسكەري قىزمەتشىلەر زاپاسقا شىعارۋ – توتەنشە جاعداي رەجيمى الىنعان جاعدايعا، وسى جىلدىڭ 30 ماۋسىمىنا دەيىن جۇرگىزىلەتىن بولادى. بۇل رەتتە اسكەري شاقىرۋ مەن زاپاسقا شىعارۋ قولدانىستاعى زاڭناماعا سايكەس ىسكە اسىرىلادى. ەلەۋلى وزگەرىس بولمايدى، – دەدى ساكەن ءجۇسىپوۆ وكق-دا ونلاين-رەجيمدە وتكەن باسپا ءسوز ءماسليحاتىندا.
سونداي-اق مەملەكەت باسشىسىنىڭ جارلىعىمەن ازاماتتاردى مەرزىمدى اسكەري قىزمەتكە شاقىرۋ مەرزىمى 2020 جىلدىڭ ماۋسىمىنان تامىزىنا اۋىستىرىلىپ وتىر.
