«حالىقتىڭ قۋاتى – بىرلىكتە!» — ەتنو-مادەني بىرلەستىكتەر مۇشەلەرى 1 مامىر قازاقستان حالقىنىڭ بىرلىگى كۇنى مەرەكەسىمەن قۇتتىقتاۋدا. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.

بۇل جونىندە الماتى قالاسى وڭىرلىك كوممۋنيكاسيالار قىزمەتىنىڭ الاڭىندا وتكەن ونلاين بريفينگتە نۇريا نيازوۆا، الماتى قالاسى قحا جانىنداعى انالار كەڭەسىنىڭ ءتورايىمى، الماتى قالاسى ءماسليحاتىنىڭ دەپۋتاتى، «يلداش» تاتار گۋمانيتارلىق دامۋ ورتالىعىنىڭ ءتورايىمى الماتىلىقتاردى الدا كەلە جاتقان مەملەكەتتىك مەرەكەمەن قۇتتىقتادى.

– قۇرمەتتى الماتىلىقتار، مىنە، بيىل 25-جىل، 1 مامىر مەرەكەسىن – قازاقستان حالقىنىڭ بىرلىگى رەتىندە اتاپ ءوتىپ كەلەمىز. ءبىراق، بيىلعى مەرەكەنى ءبىز توتەنشە جاعداي رەجيمىندە – كارانتين جاعدايىندا كارسى العالى وتىرمىز. دەسەكتە، ءار ءساتتىڭ وزىندىك قۋانىشى، قىزىعى بار. بۇل جولعى مەرەكە ءبىزدىڭ ءوز وتباسىمىزعا كوڭىل بولۋىمىزبەن ەرەكلەشەنەدى. حالىقتىڭ قۋاتى – ونىڭ بىرلىگىندە! ەندەشە، ەلىمىزدە بولىپ جاتقان ۋاقىتشا قيىندىقتى ءبىز بىرلىگىمىز بەن ىنتىماعىمىزدىڭ ارقاسىندا جەڭىپ شىعاتىنىمىزعا سەنىمىمىز مول، – دەدى ول.

2014 جىلدىڭ اقپان ايىندا قازاقستان حالقى اسسامبلەياسى جانىنان وتە – «انالار كەڭەسى» قۇرىلعان بولاتىن. «ءبىر قولىمەن، بەسىكتى، ءبىر قولىمەن الەمدى تەربەتەتىن» ايەل-انالار قحا الاڭىندا دا بەلسەندى جۇمىس ىستەدى.

– بۇل ۇيىم جۇرەكتەرى بالالارعا دەگەن سۇيىسپەنشىلىككە تولى، جەر بەتىندە ءومىر سىيلايتىن، سودان كەيىن ءبىزدىڭ قوعامىمىزدىڭ ازاماتى بولاتىن بولاشاق تۇلعانى تاربيەلەۋ ءۇشىن تولىق جاۋاپتى بولاتىن انالاردىڭ باسىن بىرىكتىردى. سوندىقتان، بۇگىنگىدەي سىن ساعاتتا قحا، ەتنو-مادەني بىرلەستىكتەر، قوعامدىق كەلىسىم كەڭەسى، انالار كەڭەسى بىرىگىپ، كومەككە مۇقتاج جاندارعا قولۇشىن بەرىپ كەلەدى، – دەدى ن. نيازوۆا.

سونىمەن بىرگە، ونىڭ ايتۋىنشا، قازىرگى تاڭدا ەتنومادەني بىرلەستىكتەردىڭ جاستارى ازىق-تۇلىك سەبەتىن، ماسكالار مەن دەزينفەكسيالاۋ قۇرالدارىن مۇقتاج جاندارعا جەتكىزىپ بەرۋدە، مەملەكەتتىك كومەك بويىنشا الەۋمەتتىك تولەمدەردى شەشۋ بويىنشا كەڭەس بەرۋ سەكىلدى جۇمىستارمەن اينالىسىپ جاتىر.

– ءبىزدىڭ ەتنومادەني بىرلەستىكتەردىڭ ءتوراعالارى قحا قۇرۋدا ۇيىتقى بولعان ازاماتتار. كەزىندە ولاردىڭ ءبىرازى جاستار قاناتىندا جۇمىس ىستەدى. ەندى بۇگىن ۇرپاقتار ساباقتاستىعى بويىنشا وزدەرىنىڭ ەتنو-مادەني ورتالىقتارىنا باسشىلىق جاساۋدا. ەڭ باستىسى، ولار ءوز زامانداستارىنا، ارينە، ءوز بالالارىنا باقىتتى وتباسىن قۇرۋدىڭ ۇلگىسىن كورسەتىپ وتىر. بىرلىك پەن ىنتىماقتىڭ ۇلگىسى، بۇل بۇگىنگى تاڭدا قازاقستان ءجۇرىپ جاتقان جاسامپازدىقتىڭ جولى!، – دەپ اتاپ ءوتتى ول.