3 مامىردا ساعات 17.00-دە كوروناۆيرۋستىق ينفەكسيانى جۇقتىرۋدىڭ راستالعان 1278 جاعدايى تىركەلدى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.

جاڭا جاعدايلار – 38. ونىڭ ىشىندە 3 ءۇي وشاعىنان، قالعاندارى ۆيرۋس جۇقتىرعان ناۋقاسپەن بايلانىستا بولعاندار.

ۆيرۋسى جاڭادان انىقتالعان ادامدارمەن بايلانىستا بولعان بارلىق جاقىن ادامدارى تابىلدى جانە كارانتينگە ورنالاستىرىلدى.

جۇقپالى اۋرۋلار ستاسيونارلارىندا Covid-19 ۆيرۋسىنان بۇگىنگى كۇنى 1111 پاسيەنت ەمدەلۋدە.
​
2 ادامنىڭ جاي-كۇيى وتە اۋىر، 25 ادامدا — اۋىر، 263-ىندە اۋىرلىقتىڭ ورتاشا دارەجەسىندە جانە قالعاندارىندا — قاناعاتتانارلىق.

كەشەگى كۇنى الماتىدا كوروناۆيرۋستىق ينفەكسيادان 30 ادام جانە بۇگىن 17 ادام ساۋىعىپ ەمدەۋدەن شىعارىلدى.

مەگاپوليستە تاۋلىگىنە ەمدەۋدەن شىعارىلعاندار سانى 47 ادامدى قۇرايدى.

بۇگىن ورتالىق قالالىق كلينيكالىق اۋرۋحانانىڭ 9 مەديسينا قىزمەتكەرى جانە ۆيرۋس جۇقتىرعان اداممەن بايلانىستا بولعان 8 ادام، كەشە ورتالىق قالالىق كلينيكالىق اۋرۋحانانىڭ 15 مەديسينا قىزمەتكەرى، 1 سانيتارلىق دارىگەر، 2013 جىلى تۋعان 2 بالا، №17 قالالىق ەمحانانىڭ 1 مەديسينا قىزمەتكەرى جانە ۆيرۋس جۇقتىرعان اداممەن بايلانىستا بولعان 11 ادام ەمدەۋدەن شىعارىلدى.

قازىرگى ۋاقىتتا الماتىدا جالپى 159 ادام ەمدەۋدەن شىعارىلدى.