يران تەڭىز كۇشتەرى ءبىر اسكەري كەمەنى اتىپ، سۋعا باتىرىپ جىبەردى، ونداعان تەڭىزشى قازا تاپتى. بۇل تۋرالى قامشى ءتىلشىسى BBC-گە سىلتەمە جاساپ حابارلايدى.

جەرگىلىكتى جۋرناليستەردىڭ مالىمەتىنشە، يران اسكەري كۇشتەرى جاڭا زىمىراندى سىناپ جاتقاندا زىمىران كەمەگە تيگەن.

يراننىڭ جارتىلاي رەسمي Fars اگەنتتىگى ءبىر تەڭىزشى قازا بولىپ، بىرنەشە ادام جارالانعانىن حابارلادى. بريتانيالىق The Guardian-نىڭ مالىمەتى بويىنشا وقيعادان كەم دەگەندە 19 ادام ءولىپ، 15 ادام جارالانعان. ال، كەيبىر اقپارات قۇرالدارى كەمەدەگى 40 ادام ىزدەستىرىلىپ جاتقانىن جازدى.

الەۋمەتتىك جەلىلەردە جاريالانعان ۆيدەودا زارداپ شەككەن تەڭىزشىلەردىڭ جەدەل جاردەم كولىكتەرىنە  جىبەرىلگەنى كورىنەدى.

ايتا كەتەيىك، قاڭتاردا تەگەرانعا جاقىن ماڭدا يران كۇشتەرى ۋكراينالىق جولاۋشىلار ۇشاعىن "قاتەلەسىپ اتىپ"، بورتتاعى 176 ادام قايتىس بولعان.