ماڭعىستاۋ وبلىسىنا توتەنشە جاعداي كەزىندە كوممۋنالدىق قىزمەتتەردى جەتكىزۋشىلەردىڭ شىعىندارىن وتەۋگە 2،2 ملرد.تەڭگە ءبولىندى.

بۇل تۋرالى وبلىستىق قوعامدىق كوممۋنيكاسيا ورتالىعىندا وتكەن بريفينگتە ماڭعىستاۋ وبلىستىق ەنەرگەتيكا جانە ءتۇرعىن-ۇي كوممۋنالدىق شارۋاشىلىعى باسقارماسى باسشىسىنىڭ ورىنباسارى نۇرلان ورىنباساروۆ مالىمدەدى.

كوممۋنالدىق قىزمەت كورسەتۋشىلەرگە شىعىنداردى وتەۋ تۋرالى ەرەجەسىنە سايكەس، حالىقتىڭ الەۋمەتتىك وسال توبىنىڭ كەلەسى 7 ساناتى بويىنشا جەكە شوتى بار ادامدارعا كومەك بەرىلەدى.

ماڭعىستاۋ وبلىسى بويىنشا حالىقتىڭ الەۋمەتتىك توپتارىنىڭ سانى - 73 646. جەرگىلىكتى اكىمدىكتەردە كولل ورتالىقتارى جۇمىس ىستەپ، وتىنىمدەر قابىلدانۋدا.  بۇگىنگى كۇنى كوممۋنالدىق تولەمدەر ءۇشىن 15 000 تەڭگە بويىنشا وسى ۋاقىتقا دەيىن حالىق تاراپىنان 26 568 ءوتىنىم ءتۇستى. كوممۋنالدىق مەكەمەلەرمەن بىرلەسىپ، ازاماتتاردىڭ جەكە دەربەس شوتتارىن راستاۋ جۇمىستارى جۇرگىزىلۋدە.

ەرەجەگە سايكەس، تولەمدەر ءساۋىر ايى ءۇشىن مامىر ايىندا، مامىر ايى ءۇشىن ماۋسىم ايىندا تولەنەتىن بولادى.

بۇل ماقساتتارعا رەسپۋبليكالىق بيۋدجەتتەن وبلىسىمىزعا 2،2 ملرد.تەڭگە قاراجات ءبولىندى، ونىڭ ىشىندە:

اقتاۋ قالاسى – 547،2 ملن.تەڭگە؛

جاڭازەن قالاسى – 431،7 ملن.تەڭگە؛

بەينەۋ اۋدانى – 219،0 ملن.تەڭگە؛

مۇنايلى اۋدانى – 606،1 ملن.تەڭگە؛

ماڭعىستاۋ اۋدانى – 183،3 ملن.تەڭگە؛

قاراقيا اۋدانى – 132،4 ملن.تەڭگە؛

ءتۇپقاراعان اۋدانى – 83،4 ملن.تەڭگە.

ەستەرىڭىزگە سالا كەتەيىك، كوممۋنالدىق تولەمگە قاتىستى سۇراقتار مەن وتىنىشتەر بويىنشا ارنايى call-ورتالىق جۇمىس ىستەيدى. اقتاۋ قالاسى بويىنشا 30-11-55، «Whatsapp» جەلىسى 8775 400 09 96؛ ءومىرزاق اۋىلى بويىنشا 44-53-97، «Whatsapp» جەلىسى 8701 563 51 71، 8701 477 48 22