الماتى قالاسى اكىمىنىڭ ورىنباسارى ەرجان باباقۇماروۆتىڭ توراعالىعىمەن الماتى قالاسى اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ ونلاين تۇردە بەينە-كونفەرەنسيا رەجيمىندەگى وتىرىسى ءوتتى.
وتىرىسقا الماتى اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ حاتشىسى ن. توعىزبايەۆا، قالالىق كاسىپوداقتار وداعى ءتوراعاسىنىڭ ورىنباسارى ك. لەتنيكوۆا، "اتامەكەن" ۇكپ ىسكەر ايەلدەر كەڭەسى ءتوراعاسىنىڭ ورىنباسارى ا. ەرالييەۆا جانە ت. ب. قاتىستى.
وتىرىستا اعىمداعى جىلدىڭ 5 ايىندا اتقارىلعان كوميسسيا جۇمىسى تالقىلانىپ، وتباسىنىڭ، ايەلدەر مەن بالالاردىڭ جاعدايىن جاقسارتۋعا باعىتتالعان جوبالاردى ىسكە اسىرۋ بويىنشا ەكىنشى جارتىجىلدىققا ارنالعان جوسپارلار قاراستىرىلدى.
جۇمىستىڭ باسىم باعىتتارى اراسىندا - جۇمىسپەن قامتۋ، ايەلدەردى قوعامدىق جانە كاسىپكەرلىك قىزمەتكە بارىنشا تارتۋ، وتباسىلىق قۇندىلىقتاردى نىعايتۋ جانە بالالاردىڭ قۇقىقتارىن قورعاۋ ماسەلەلەرى بار.
اسىرەسە ايەلدەر مەن بالالارعا قاتىستى زورلىق-زومبىلىققا قارسى كۇرەس شارالارىنا ەرەكشە نازار اۋدارىلدى. اتاپ ايتقاندا، قيىن جاعدايعا تاپ بولعان وتباسىلارعا پسيحولوگيالىق كومەك كورسەتۋ، سونداي-اق ايەلدەردى ۇيدەگى زورلىق-زومبىلىقتان قورعاۋ جونىندەگى ماسەلەلەرى كەڭىنەن تالقىلاندى.
شاھار باسشىسىنىڭ ورىنباسارى ەرجان باباقۇماروۆ ازاماتتىق قوعامنىڭ حالىقتىڭ ءومىر ءسۇرۋ ساپاسىن جاقسارتۋداعى ماڭىزدىلىعىن اتاپ ءوتىپ، ايەلدەردىڭ ۇكىمەتتىك ەمەس ۇيىمدارىنىڭ وكىلدەرىن مەملەكەتتىك الەۋمەتتىك تاپسىرىس بويىنشا جوبالاردى ىسكە اسىرۋعا بەلسەنە قاتىسۋعا شاقىردى.
قالا اكىمى باقىتجان ساعىنتايەۆتىڭ اتىنان اكىمنىڭ ورىنباسارى ەرجان باباقۇماروۆ كوميسسيا مۇشەلەرىن حالىقارالىق وتباسى كۇنىمەن قۇتتىقتادى.
پىكىر قالدىرۋ