الماتى وبلىسى اكىمىنىڭ باسپا ءسوز قىزمەتى كوروناۆيرۋس ينفەكسياسىنان  89 جاستاعى قاريانىڭ ەمدەلىپ شىققانىن حابارلادى.

وبلىستا كوروناۆيرۋستان ايىققان 2 ادام كەگەن اۋدانى مەن قاپشاعاي قالاسىنىڭ تۇرعىندارى. ولاردىڭ بىرەۋى – 1962 جىلى تۋعان ازامات، ەكىنشىسى - 89 جاستاعى قاريا.

1931 جىلى دۇنيەگە كەلگەن كەگەن اۋدانىنىڭ تۇرعىنى كۇمىسحان ورازاقىنوۆا شەلەك اۋىلىنداعى اۋداندىق اۋرۋحانادا 4 مامىردان باستاپ ەم قابىلداعان. اتالعان اۋرۋحانانىڭ باس دارىگەرى گۇلنار كۋرامەتوۆانىڭ ايتۋىنشا، پاسيەنت اۋرۋحاناعا تۇسكەن كەزدە جاعدايى ورتاشا اۋىرلىقتا بولعان.

– اۋرۋحاناعا تۇسكەن كەزدە پاسيەنتتىڭ جاس ەرەكشەلىگىن ەسكەرە وتىرىپ، رەانيماسيا بولىمىنە ورنالاستىردىق. ويتكەنى قان قىسىمىنىڭ جوعارى بولۋى كەز كەلگەن اۋرۋدى اسقىندىرۋى مۇمكىن. سوندىقتان قاتاڭ باقىلاۋدا ۇستادىق. بۇگىن پاسيەنت كوروناۆيرۋس ينفەكسياسىنان تولىق ايىعىپ شىقتى، – دەدى باس دارىگەر.

ءقازىر ىندەتتەن ايىققان 2 تۇرعىننىڭ دا جاعدايى جاقسى، دەنساۋلىقتارىنا شاعىمى جوق.

ءسويتىپ، الماتى وبلىسىندا COVID-19 ينفەكسياسىنان جازىلعاندار سانى 178-گە جەتتى.