قىزىلوردا وبلىسى اكىمىنىڭ باسپا ءسوز حاتشىسى قىزمەتىنە باقىتجان وماروۆ تاعايىندالدى، دەپ حابارلادى وبلىس اكىمىنىڭ باسپا ءسوز قىزمەتى.

باقىتجان وماروۆ 1987 جىلى تۋعان. ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتىن «حالىقارالىق قاتىناستار» جانە «جۋرناليستيكا» ماماندىقتارى بويىنشا بىتىرگەن.

ەڭبەك جولىن 2008 جىلى «قازاقستان» رترك» اق اسبد تىلشىلەر ءبولىمىنىڭ رەداكتورى رەتىندە باستاعان.

2009 - 2018 جىلدار ارالىعىندا «قازاقستان» رترك» اق اسبد اۋدارماشىلار ءبولىمىنىڭ رەداكتور-اۋدارماشىسى، تىلشىلەر ءبولىمىنىڭ اعا ءتىلشىسى، انكارا قالاسى «ترت» تەلەراديوكورپوراسياسىنىڭ جاڭالىقتار جۇرگىزۋشىسى، تىلشىلەر قوسىنىنىڭ (ايماقتار) انكارا قالاسى بويىنشا ءتىلشىسى سەكىلدى جاۋاپتى قىزمەتتەردى اتقاردى.

2018 جىلدان وسى كەزگە دەيىن «حابار24» ارناسى جاڭالىقتار ءبولىمىنىڭ باس رەداكتورى قىزمەتىن اتقارىپ كەلدى.