ماڭعىستاۋ اۋدانىندا «جۇمىسپەن قامتۋدىڭ جول كارتاسى» اياسىندا 17 جوبا جۇزەگە اسادى.

بۇل تۋرالى وڭىرلىك قوعامدىق كوممۋنيكاسيالار ورتالىعىندا وتكەن بريفينگتە ماڭعىستاۋ اۋدان اكىمىنىڭ ورىنباسارى تالعات قىلاڭوۆ مالىمدەدى. اتالعان ينفراقۇرىلىمدىق جوبالاردى ىسكە اسىرۋدىڭ جەدەل مونيتورينگى بەكىتىلىپ، تەندەر جاريالانعان. 15 مەردىگەر مەكەمەمەن اۋدان اكىمدىگى كەلىسىمشارتقا وتىردى.
17 جوبانىڭ 15ء-ى جەرگىلىكتى، ەكەۋى رەسپۋبليكالىق بيۋدجەتتەن قارجىلاندىرىلادى. ءار جوباعا اياسىندا قۇرىلاتىن جۇمىس ورىندارىنىڭ 50 پايىزىنا دەيىن جۇمىسسىز تۇرعىندارعا جولداما بەرۋ كەرەكتىگى كەلىسىمشارتتا كورسەتىلگەن.
-«وسىعان وراي ءبىزدىڭ اۋدانعا قاراستى ءار اۋىل اكىمدىكتەرىنەن تۇراقتى تابىس كوزى جوق ازاماتتاردىڭ ءتىزىمى جاسالىپ، بريگادا ۇيىمداستىرۋ جۇمىستارى جۇرگىزىلدى. قازىرگى ۋاقىتتا 17 جوبانىڭ 15ء-ىن جۇزەگە اسىرۋ قولعا الىندى. جوسپار بويىنشا 599 جۇمىس ورنى قۇرىلادى. ونىڭ ىشىندە 299 ورىنعا جۇمىسسىز ازاماتتار جۇمىسپەن قامتۋ ورتالىعى ارقىلى الىنۋدا. كۇنى بۇگىندە 265 ادام جولداما الىپ، جالپى سانى 586 تۇرعىن جۇمىسقا قابىلداندى» - دەدى ت.قىلاڭوۆ.
ەندى كەزەكتە ءار جوباعا توقتالساق. ساي وتەس اۋىلىنىڭ تولىباي كوشەسى اۆتوجولىنىڭ قۇرىلىسىن «اقجول قۇرىلىس» سەرىكتەستىگى تەندەردەن جەىپ الدى. جوبا قۇنى 509 ملن 693 مىڭ تەڭگە. اشىلعان جۇمىس ورنى 70 ورىن. ونىڭ ىشىندە جۇمىسپەن قامتۋ ارقىلى جولداما العان ادام سانى - 39.
وسى مەكەمە ساي-وتەس ستانسياسىندا تەمىرجول ارقىلى وتەتىن جاياۋ جۇرگىنشى كوپىرىنىڭ دە قۇرىلىسىن جۇرگىزەدى. 56 ملن 952 مىڭ تەڭگەگە باعالانعان جوبا اياسىنا 14 جۇمىس ورنى اشىلۋى ءتيىس.
-«شەتپە-قىزان ارقىلى 12،988 شاقىرىمدىق اۆتوجولىنىڭ كوپىرىن «Design School» سەرىكتەستىگى جوندەيدى. 117 ملن 339 مىڭ تەڭگەلىك جوبا اياسىندا 30 جۇمىس ورنى قۇرىلادى. شەتپە اۋىلىشىلىك جولدارعا ورتاشا جوندەۋ جاساۋعا «ابات» سەرىكتەستىگى جاۋاپتى. بولىنگەن 240 ملن 800 مىڭ تەڭگەنىنىڭ 74 ملندايى يگەرىلدى. 36 جۇمىس ورنى اشىلدى. شايىر اۋىلدىق ت.جالعاسباي ۇلى اتىنداعى مەكتەپكە اعىمداعى جوندەۋ جاساۋعا دا وسى مەكەمە 105 ملن تەڭگەلىك جوبانى جەڭىپ الدى. مۇندا كوزدەلگەنى 15 ورىن، ونىڭ ىشىندە جۇمىسپەن قامتۋ ارقىلى 7 ادام جولداما الدى» - دەيدى ت.قىلاڭوۆ.
جىڭعىلدى اۋىلدىق نۇرنياز ۇلى اتىنداعى مەكتەپ-ينتەرنات جاتاقحاناسىنا اعىمدىق جوندەۋ جۇمىستارىن «نۇرلىجولسەرۆيس» ءجشس-ى جۇرگىزۋدە. كەلىسىمشارتتا كورسەتىلگەن 33 ملن 488 مىڭ تەڭگەنىڭ 12 ملن 897 مىڭ تەڭگەسى يگەرىلگەن. اشىلعان جۇمىس ورنى 18.
جارمىش اۋىلىنداعى ورتا مەكتەپتى جوندەۋگە 75 ملن تەڭگە قارالعان. 40 جۇمىس ورنى قۇرىلعان. ونىڭ ىشىندە جۇمىسپەن قامتۋ ارقىلى جولداما العان ادام سانى 15.
شەبىر اۋىلدىق «قاراتوبە» ورتا مەكتەبىنە جوندەۋ جاساۋعا «بەكستروي» سەرىكتەستىگى 33 ملن 600 مىڭ تەڭگە جەڭىپ الدى. يگەرىلگەنى 13 ملن 339 مىڭ تەڭگە. 25 جۇمىس ورنى اشىلعان. جۇمىسپەن قامتۋ ارقىلى جولداما العان ادام سانى 12.
ورتالىق ستاديوندى اعىمداعى جوندەۋگە 234 ملن 817 مىڭ تەڭگە بولىنگەن. ونىڭ 93 ملن 927 مىڭ تەڭگەسى يگەرىلدى. 105 ادام جۇمىسقا تۇرعان. ونىڭ 52ء-سى جولداما العان.
اۋداندىق جاسوسپىرىمدەر سپورت مەكتەبىنىڭ كۇرەس زالىنا جوندەۋ جاساۋعا 44 ملن 240 مىڭ تەڭگە قارالدى. يگەرىلگەنى 18 ملن 208 مىڭ تەڭگە. 35 جۇمىس ورنى قۇرىلدى. ونىڭ 19-ى جۇمىسپەن قامتۋ ارقىلى جولداما العاندار.
وسى سپورت مەكتەبىنىڭ بوكس زالىنا 56 ملن 890 مىڭ تەڭگەگە جوندەۋ جاسالۋدا. اشىلعان جۇمىس ورنى 35، جۇمىسپەن قامتۋ ارقىلى جولداما العان ادام سانى 17.
شايىر اۋىلدىق مادەنيەت ۇيىنە 15 ملن 976 مىڭ تەڭگەگە اعىمداعى جوندەۋ جۇمىستارى ءجۇرىپ جاتىر. 8 ملنداي قارجى يگەرىلگەن. اشىلعان جۇمىس ورنى 15 ورىن، ونىڭ ىشىندە جولداما العان ادام سانى 7.
شەتپەدەگى ورتالىق الاڭ مەن ساياباقتى اباتتاندىرۋ، ونداعى مونۋمەنتتەرگە ورتاشا جوندەۋ جۇمىستارىن جۇرگىزۋدى «مانتەكوم» ءجشس-ى كەلىسىمشارت بويىنشا 224 ملن تەڭگەنى جەڭىپ الدى. اشىلعان جۇمىس ورنى 65 ورىن، ونىڭ 30-ى جۇمىسپەن قامتۋ ارقىلى جولداما العاندار.
جارمىش اۋىلىنداعى 200 ورىندىق كلۋبتىڭ 281 ملن 563 مىڭ تەڭگە بولىنگەن. يگەرلىگەنى 74 ملن 234 مىڭ تەڭگە. 37 جۇمىس ورنى اشىلعان، 7ء-ۋى جۇمىسپەن قامتۋ ارقىلى جولداما العان.
وندى سەلوسىندا دارىگەرلىك امبۋلاتوريا سالۋعا 196 ملن 198 مىڭ تەڭگە قارالىپ تۇر. مۇندا 60 ادامعا جۇمىس بەرىلۋى ءتيىس. ونىڭ 25ء-ى جولداما ارقىلى ورنالاسا الادى.
ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسىنىڭ ورىندالىسى تۋرالى.
اۋداندىق جۇمىسپەن قامتۋ ورتالىعىنا بيىلعى جىل باسىنان بەرى 1063 ادام حابارلاسقان. ونىڭ ىشىندە 1059ء-ى جۇمىس ىزدەۋشى رەتىندە تىركەلدى. قازىرگى ۋاقىتتا رەسمي تىركەلگەن جۇمىسسىزدار سانى 500 ادامدى قۇرايدى. اۋدانداعى جۇمىسسىزدىقتىڭ جالپى دەڭگەيى 3،2 % قۇراپ وتىر.
ماڭعىستاۋ اۋدانى بويىنشا جۇمىسپەن قامتۋ جانە الەۋمەتتتىك باعدارلامالار، ازاماتتىق حال اكتىلەرىن تىركەۋ ءبولىمىنىڭ باسشىسى مارات ورازالييەۆتىڭ ايتۋىنشا، مەملەكەتتىك باعدارالماسىنىڭ 1ء-شى باعىتى بويىنشا قىسقا مەرزىمدىك وقۋ كۋرستارىندا 126 ازاماتتى وقىتۋ جوسپارلانعان. ال تەحنيكالىق جانە كاسىپتىك وقىتۋ بويىنشا بيىل وڭىردەگى كوللەدجدەرگە 80 ادامدى وقىتۋ كەرەك.
-باعدارلامانىڭ ەكىنشى باعىتى بويىنشا بويىنشا اۋداندىق كاسىپكەرلەر پالاتاسى ارقىلى «باستاۋ-بيزنەس» جوباسىمەن 110 ادامدى وقىتۋ جوسپارلانعان. توتەنشە جاعدايعا بايلانىستى وقۋ ماۋسىم ايىنا شەگەرىلدى، «ونلاين» رەجيمىندە وتكىزۋ 10 ماۋسىمعا قويىلدى. بيىل جوسپار بويىنشا 65 ادامعا 200 اەك (555،6 م.ت.) مولشەرىندە 36 ملن 114 مىڭ تەڭگە قايتارىمسىز گرانت ءبولىندى. اۋدان كولەمىندە 5 مۇشەسى بار كوميسسيا قۇرىلىپ، 6 ادامنىڭ قۇجاتى كوميسسيا مۇشەسىنە ۇسىنىلدى. بەس ادامنىڭ قۇجاتى ماقۇلدانىپ 15 مامىردا شەشىم شىقتى، قارجىسى (200 اەك) 2 278 000 تەڭگە يگەرىلدى. كەلەسى كوميسسيا وتىرىسىنا 1 ماۋسىمدا 20 ادامنىڭ قۇجاتى تاپسىرىلدى، ءقازىر ولارمەن كەلىسىم شارتقا وتىرىپ جاتىرمىز» - دەيدى ول.
«اشققق» اق-نان بەرىلەتىن 6 پايىزدىق نەسيەگە (ونىڭ ىشىندە كوپ بالالى وتباسىلارعا جانە اتاۋلى الەۋمەتتىك كومەك الۋشىلارعا 4 پايىزبەن) بيىل اۋدانعا 170 ملن تەڭگە قاراستىرىلعان. ءتۇسىندىرۋ جۇمىستارى اۋىل اكىمدىكتەرىنە ونلاين رەجيمدە ءجۇردى جانە الەۋمەتتىك جەلىلەرگە جاريالاندى. نەسيە الۋشىلاردىڭ ءتىزىمى جاسالىپ، قۇجاتتارى جيناقتالىپ جاتىر. جالپى بىلتىرعى قاراجاتتان 2 ادامعا 8 ملن تەڭگە نەسيە بەرىلسە، بيىل 7 ادام جولداما العان.
-«توتەنشە جاعدايدىڭ الدىن-الۋ ماقساتىندا شتابقا باعىنىشتى جۇمىس توپتارىنىڭ ءىس-شارالار جوسپارىنا وراي، جۇمىسشىلاردىڭ ەڭبەك قۇقىقتارىن جانە كەپىلدىكتەرىن قامتاماسىز ەتۋ جونىندە ماڭعىستاۋ اۋدانى اكىمدىگى جۇمىس بەرۋشى مەكەمەلەرمەن ءوزارا ىنتىماقتاستىق تۋرالى مەموراندۋم جاساقتادى. ولاردىڭ ىشىندە 3 ءىرى كاسىپورىنداردان 2000-عا جۋىق قىزمەتكەردى قامتيتىن «قاراقۇدىقمۇناي»، «كاسپييسەمەنت»، «بوزاشىترانسقۇرىلىس» ءجشس-ى مەموراندۋمعا قول قويدى. «ماڭعىستاۋمۇنايگاز» اق-نا ۇسىنىس تاستالدى. ولار ءبىر مەموراندۋمعا وتىرۋعا شەشىمىن بەردى. «كوم-مۇناي»، «سي-بۋ» ءجشس-ى دە مەموراندۋمدى تالقىلاۋعا ءوز ۇسىنىستارىن بەردى. ايتا كەتسەك، اۋدانعا قاراستى ورتا كاسىپورىنداردان 9 مەكەمە (820 قىزمەتكەر)، كىشى كاسىپورىنداردان 3 (5 قىزمەتكەر) مەكەمە مەموراندۋمىمەن تانىسىپ، قول قويدى» - دەدى مارات ورازالييەۆ.
اۋداندىق جۇمىسپەن قامتۋ ورتالىعى جولداماسىمەن 167 ادام تۇراقتى جۇمىسقا ورنالاستىرىلعان. جاستار پراكتيكاسىمەن الەۋمەتتىك جۇمىس ورنىنا 169 ادام جوسپارلانىپ، رەسپۋبليكالىق بيۋدجەتتەن 23 ملن 461 مىڭ تەڭگە، جەرگىلىكتى بيۋدجەتتەن 10 ملن 916 مىڭ تەڭگە ءبولىنىپ وتىر.
ناتيجەسىندە 64 ادام جاستار پراكتيكاسىنا، الەۋمەتتىك جۇمىس ورنىنا 64 ادام تارتىلعان. اقىلى قوعامدىق جۇمىستارعا جوسپار بويىنشا 300 ادام، بۇل ماقساتقا جەرگىلىكتى بيۋدجەتتەن بەرىلگەن قارجىسى 95 ملن 188 مىڭ تەڭگە ءبولىندى. بۇل رەتتە 309 ادام جولداما العان سوڭ، باسىندا قارالعان قارجى جىلدىڭ سوڭعى ءۇش ايىنا جەتپەيدى. وسى سەبەپتى قوسىمشا 50 ملن تەڭگە سۇراستىرىلىپ قويىلدى. بۇدان بولەك اقىلى قوعامدىق جۇمىستارعا بيىل رەسپۋبليكالىق بيۋدجەتتەن 25 ملن بولىنگەن. ماۋسىم ايىندا سۇرانىس تۇسكەن مەكەمەلەرگە جولداما بەرىلەتىن بولادى.
اتاۋلى الەۋمەتتىك كومەك بويىنشا - جۇمىسپەن قامتۋ ورتالىعى 816 ادامى بار 144 وتباسىنا اتاۋلى الەۋمەتتىك كومەك تاعايىندالعان (ونىڭ ىشىندە شارتتىسى 118 وتباسى 683 ادام، شارتسىزى 26 وتباسى 133 ادام).
ناۋرىز، ءساۋىر، مامىر ايىندا ازىق-تۇلىك جيىنتىعى ءۇشىن 124 وتباسىنىڭ 6-18 جاس ارالىعىندا 309 بالاسىنا، اتاپ ايتساق ءار بالاعا 5567 تگ كولەمىندە قاراجات تولەنگەن.