مەشىت قىزمەتكەرلەرى مەن ناماز وقۋعا كەلگەن جاماعات مىندەتتى تۇردە بەتپەردە كيۋى ءتيىس

بۇل تۋرالى قوعامدىق كوممۋنيكاسيا ورتالىعىندا وتكەن بريفينگتە ماڭعىستاۋ وبلىسى ءدىن ىستەرى باسقارماسىنىڭ باسشىسى ماقساتبەك ماحانبەتوۆ ايتتى.

بۇگىنگى كۇنى ەلىمىزدىڭ بارلىق اۋماقتارىندا ەپيدەميولوگيالىق جاعداي قاتاڭ باقىلاۋدا، ونىڭ ىشىندە ماڭعىستاۋ وبلىسىندا دا كارانتين تارتىپتەرى ەرەكشە باقىلاۋعا الىنعان. وڭىردە 25-مامىردان باستاپ كارانتيندىك شارالار جەڭىلدەتىلىپ، قۇلشىلىق ەتۋ ورىندارى بار ءدىني بىرلەستىكتەر ءوز جۇمىستارىن باستاعان ەدى.
وسى ۋاقىتتان باستاپ قۇلشىلىق ەتۋ ورىندارعا ءبىرقاتار تالاپتار قويىلىپ، تەك جەكەلەگەن تۇردە ناماز وقۋعا رۇقسات ەتىلگەن. مەشىتتەردە جاماعات بولىپ (بەس ۋاقىت ناماز، جۇما نامازى) ناماز وقۋعا تىيىم سالىنعان بولاتىن.
ەندى وسى قويىلعان تالاپتاردى كەزەڭ-كەزەڭمەن جەڭىلدەتۋ ماقساتىندا سانيتارلىق تالاپتاردى ساقتاي وتىرىپ، مەشىتتەردە بەس ۋاقىت ناماز وقۋعا وسى جىلدىڭ 6-ماۋسىمنان باستاپ رۇقسات بەرىلدى. (جۇما ناماز وقىلمايدى)
بۇل جونىندە قازاقستان مۇسىلماندار ءدىني باسقارماسىمەن بارلىق مەشىتتەردە اتقارىلاتىن ءىس-شارالار ءتارتىبى تومەندەگىدەي بولىپ بەكىتىلدى.

مەشىت قىزمەتكەرلەرى ءار كىسىنىڭ قۇلشىلىق جاساۋ ورنىن 1،5 مەترگە ساي ەتىپ بەلگىلەپ قويۋ؛
مەشىتكە كەلۋشى جاماعاتتىڭ پارىز، سۇننەت جانە جەكەلەگەن نامازدارىن وقۋ ارا قاشىقتىعى 1،5 مەتر بولۋى مىندەتتى؛
مەشىتتە ۋاعىز ايتىلماۋ؛
پارىز نامازدارىندا قىسقا سۇرەلەر وقۋ نەمەسە قىسقا ايات وقۋ؛
ناماز وقىپ بولعان سوڭ، مەشىتتەن بىردەن شىعىپ كەتۋ؛
مەشىتكە كەلگەن ازاماتتار ۇزاق ۋاقىت مەشىتتە بولماۋى ءتيىس. مەشىتتە بولۋ ۋاقىت ۇزاقتىعى – 15 مينۋت؛
مەشىتتە قول الىسپاۋ؛
ق ر سانيتارلىق باس دارىگەرىنىڭ 22.05.2020 جىلعى №37 قاۋلى تالاپتارىن ورىنداۋ؛
مەشىتتەردى جەرگىلىكتى كارانتين تالاپتارىنا سايكەس، مەشىتتەردىڭ سىيىمدىلىعىن 30% اسىرماۋ؛
مەشىتتىڭ ءىشى-سىرتىنا ءار 10 مەتر سايىن قولعا ارنالعان انتيسەپتيك قۇرالدارىن قويۋ؛
مەشىتتەردە اۋا الماسۋ جۇيەسى جاقسى ءجۇرۋ ءۇشىن بارلىق ەسىكتەردى اشىپ قويۋ؛
ءار 3 ساعات سايىن ناماز وقيتىن زالدارعا زالالسىزداندىرۋ جۇمىستارىن جۇرگىزۋ؛
-«مەشىت قىزمەتكەرلەرى مەن ناماز وقۋعا كەلگەن جاماعات مىندەتتى تۇردە بەتپەردە كيۋى ءتيىس. جاسى ۇلكەن كىسىلەر، دەنساۋلىعى ناشار ادامدار /ەر جانە ايەل/ جانە جاس بالالار نامازدارىن ءوز ۇيلەرىندە وقىعاندارى ابزال؛ مەشىت دارەتحانالارىنىڭ كارانتين ۋاقىتى اياقتالعانعا دەيىن جابىق بولۋىنا وراي، نامازعا كەلۋشى جاماعات ۇيدەن دارەت الىپ كەلۋلەرى ءتيىس؛ مەشىتكە اركىم ءوز جاينامازىمەن كەلگەندەرى ءجون»، - دەدى قازاقستان مۇسىلماندارى ءدىني باسقارماسى، ماڭعىستاۋ وبلىسى بويىنشا باس يمامى ءانۋار ەلجانوۆ.