الماتىدا قالا اكىمى باقىتجان ساعىنتايەۆتىڭ تاپسىرماسىمەن كارانتين رەجيمىنىڭ ساقتالۋىن قاداعالاۋ بويىنشا جۇمىستار جالعاسۋدا. مونيتورينگتىك توپ مۇشەلەرى كۇن سايىن قوعامدىق ورىندار، ساۋدا ورىندارى مەن باسقا دا نىسانداردى ارالاپ، تەكسەرەدى.
تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ اۋداندىق ءبولىم قىزمەتكەرلەرى جۇرگىزگەن جۇمىس بارىسىندا زاڭبۇزۋشىلىقتار انىقتالدى – 100 ادامعا ارنالعان Gastro Bar "ZTB" قوعامدىق تاماقتانۋ نىسانى جۇمىس ىستەپ تۇرعان. مەكەمە 23.00-دەن كەيىن جۇمىسىنا كىرىسكەن، سونداي-اق، مۇندا كەلۋشىلەر كوروناۆيرۋس ينفەكسياسىنىڭ تارالۋىن بولدىرماۋ ماقساتىندا تىيىم سالىنعانىنا قاراماستان، قورقور شەككەن.
انىقتالعان ءتارتىپ بۇزۋشىلىقتار بويىنشا جول پاترۋلدىك پوليسيا قىزمەتكەرلەرى ق ر اكىمشىلىك قۇقىقبۇزۋشىلىقتار تۋرالى كودەكسىنىڭ 441-بابىنا سايكەس، اكىمشىلىك قۇقىقبۇزۋشىلىق تۋرالى حاتتاما تولتىرعان.
بۇعان دەيىن دە ءبىرقاتار نىسانداردا: ينەسسا» ازىق-تۇلىك دۇكەنى، «الاش» ءدامحاناسى، دونەر اسحاناسى، شاۋرما ساتاتىن دۇڭگىرشەك، «Frat Gelmez» سۇلۋلىق سالونى جانە مەدەۋ اۋدانىنىڭ اۋماعىندا «sofra»، «تاعام» اسحانالارىندا، «Small» سۋپەرماركەتىندە : سانيتارلىق-ەپيدەميولوگيالىق تالاپتاردىڭ بۇزىلعانى انىقتالعان. جەكەلەي العاندا، ماسكا تاعۋ رەجيمىنىڭ ورىندالماۋى، قىزمەتكەرلەردە قولعاپتاردىڭ بولماۋى، سانيتايزەرلەر مەن تەرىگە ارنالعان انتيسەپتيكتەردىڭ، دەزينفەكسيالىق قۇرالداردىڭ، تەرمومەتريا جۇرگىزەتىن جۋرنالداردىڭ، جوقتىعى، سونىمەن بىرگە، ءتيىستى ەمەس ازىق-تۇلىكتى ساقتاۋعا قاتىستى زاڭبۇزۋشىلىقتار ورىن العان.
مونيتورينگتىك توپتار جۇمىسىن باستاعالى قالادا بارلىعى 2 353 نىسان تەكسەرىلىپ، ولاردىڭ ىشىندە 136 نىساننان الماتىنىڭ باس مەملەكەتتىك سانيتار دارىگەرىنىڭ قاۋلىسىنداعى تالاپتارىنا قاتىستى ءتارتىپ بۇزۋشىلىقتار انىقتالدى. سوعان بايلانىستى، 74 نىساننىڭ (ونىڭ ىشىندە 56-سى نىسان باسشىلىعىنىڭ شەشىمىمەن) قىزمەتى توقتاتىلىپ، نىسانداعى ورەسكەل ءتارتىپ بۇزۋشىلىقتارعا قاتىستى اكىمشىلىك زاڭبۇزۋشىلىقپەن بايلانىستى 77 حاتتاما تولتىرىلدى.
پىكىر قالدىرۋ