2020 جىلدىڭ 1 ماۋسىمىنان باستاپ ماڭعىستاۋ ستانسياسىنان نۇر-سۇلتان، الماتى، اقتوبە، بەينەۋ باعىتىنا پويىز جۇرە باستايدى.

بۇل تۋرالى ماڭعىستاۋ وبلىسىنىڭ قوعامدىق كوممۋنيكاسيا ورتالىعىندا وتكەن بريفينگتە ماڭعىستاۋ تەمىرجول ۆوكزالىنىڭ باسشىسى الما ايىمقۇلوۆا ايتتى.
جولاۋشىلار مىندەتتى تۇردە قورعانىس قۇرالدارى، ياعني بەتپەردەسى مەن جول ءجۇرۋ بيلەتى بولعان جاعدايدا ۆوكزال عيماراتىنىڭ نەگىزگى كىرەبەرىسىنەن كىرگىزىلەدى. الدىمەن جولاۋشىلاردى بايلانىسسىز تەرمومەتريا ارقىلى تەكسەرۋ جۇرەدى. جوعارى تەمپەراتۋراسى نەمەسە تۇماۋ بەلگىلەرى بايقالعان جاعدايدا جولاۋشىلار پويىزعا جىبەرىلمەيدى جانە ۆوكزال عيماراتىنا شىعارىپ سالۋشىلاردىڭ كىرۋىنە تىيىم سالىنادى.
ۇيدەن شىعار الدىندا 20 مينۋت بۇرىن دەنە قىزۋىن ولشەۋ كەرەك. ەگەر دەنە قىزۋى 37 نەمەسە ودان جوعارى بولعان جاعدايدا ۇيدە قالىپ، جەرگىلىكتى دارىگەرلەرگە حابارلاسۋ قاجەت.
-«تەمىر جول ۆوكزال عيماراتىنا جانە ۆاگوندارعا مىندەتتى تۇردە بەتپەردەمەن كىرۋگە جانە ارا-قاشىقتىقتى ساقتاۋعا ءتيىس. وسىعان بايلانىستى جولاۋشىلاردان ەرتە كەلۋى سۇرالادى. جولاۋشىلاردى دۇربەلەڭ جاساماي، بىر-بىرىنە كەمىندە 1 مەتر قاشىقتىقتا تۇرۋىن، كارانتين رەجيمىن ساقتاپ، وسى جاعدايدا تۇسىنىستىكپەن قاراپ، سابىرلىق تانىتۋلارىن سۇرايمىز»، - دەدى ماڭعىستاۋ تەمىرجول ۆوكزالىنىڭ باسشىسى الما ايىمقۇلوۆا.
ايتا كەتەيىك، جول ءجۇرۋ ساپارىندا جولاۋشىلار مىندەتتى تۇردە وزىمەن بىرگە قورعانىش قۇرالدارىن، ماسكا، قولعاپ جانە انتيسەپتيك الىپ ءجۇرۋ قاجەت.