ماڭعىستاۋ وبلىسىنىڭ اكىمى باس ءمۇفتيدى قابىلدادى.
ماڭعىستاۋ وبلىسىنىڭ اكىمى سەرىكباي ترۇموۆ قازاقستان مۇسىلماندارى ءدىني باسقارماسىنىڭ ءتوراعاسى ناۋرىزباي قاجى تاعانۇلىن قابىلدادى. كەزدەسۋ كەزىندە تاراپتار وڭىردەگى ءدىني احۋال جايلى ءسوز قوزعاپ، ءدىن قىزمەتكەرلەرىنىڭ ءبىلىمىن جەتىلدىرۋ، ولارعا الەۋمەتتىك قولداۋ كورسەتۋدىڭ ماڭىزىن تالقىلادى. سونىمەن قاتار جاستار اراسىندا ءدىني وڭالتۋ جۇمىستارىن جۇيەلى جۇرگىزۋ ماسەلەسى دە نازاردان تىس قالمادى. سەرىكباي وتەلگەن ۇلى ىزگىلىك جولىنداعى باستامالار مەن يگى قىزمەتتە جۇرگەن يمامداردى قولداۋ ورتاق ءىس ەكەنىن جەتكىزدى.
-"ماڭعىستاۋ وبلىسىنداعى ءدىني احۋال - مەنىڭ ءجىتى نازارىمدا. سوندىقتان وسى وڭىردەگى يمامداردىڭ ءبىلىمىن شىڭداپ، تاجىريبەسىن ارتتىرۋعا ماڭىز بەرىپ كەلەمىن. ەندىگى ماقسات - ەلدىڭ يگىلىگى مەن حالىقتىڭ بولاشاعى جولىندا بىرلەسە وتىرىپ قىزمەت ەتۋ. وسى باعىتتا سىزدەرمەن ىنتىماقتاسا وتىرىپ، ورتاق شارالاردى اتقارۋدىڭ ماڭىزى ەرەكشە"، - دەدى باس ءمۇفتي ناۋرىزباي قاجى تاعان ۇلى.
كەزدەسۋ سوڭىندا تاراپتار ءدىني سالاداعى جوبالاردى جۇزەگە اسىرۋعا، ءدىني وڭالتۋ شارالارىندا ىنتىماقتاستىق تانىتۋعا ۋاعدالاستى.
پىكىر قالدىرۋ