ماڭعىستاۋ وبلىسىنىڭ اكىمى سەرىكباي ترۇموۆ جۇمىس ساپارىمەن جاڭاوزەن قالاسىنا باردى. «جۇمىسپەن قامتۋ جول كارتاسى» باعدارلاماسى اياسىندا ىسكە اسىرىلىپ جاتقان ينفراقۇرىلىمدىق جوبالاردىڭ ساپاسىن باقىلاپ قالانىڭ اباتتاندىرۋ جۇمىستارىمەن تانىستى.

قالاداعى ءا.تۇياقوۆ اتىنداعى ورتالىق ستاديون 2008 جىلى پايدالانۋعا بەرىلگەن. سودان بەرى كۇردەلى جوندەۋ جۇمىستارى جۇرگىزىلمەگەن. بيىل اتالعان سپورت كەشەنىنە «جۇمىسپەن قامتۋ جول كارتاسى» باعدارلاماسى اياسىندا 200 ملن تەڭگە قاراجات قاراستىرىلىپ، ستاديونداعى 3000 ورىندىق جاڭالانىپ، حالىقارالىق ستاندارتقا ساي توسەنىش توسەلەدى. كەشەننىڭ 1250 مەتر اۋماعى تاستان قاشالعان قورشاۋمەن قورشالادى، اينالاسىنا 57 قۋاتتى جارىقشامدار ورناتىلىپ، جارىق ديودتى شامدارمەن جارىقتاندىرىلادى جانە پەريمەترى بويىنشا 3900 شارشى مەتر جۇگىرۋ جولى سالىنادى. ورتالىق ستاديونداعى جوندەۋ جۇمىستارى اياقتالعاننان كەيىن وبىستىق «كاسپيي» فۋتبول كلۋبىنىڭ رەزەرۆتىك الاڭى بولماق. وندا حالىقارالىق دارەجەدە فۋتبول ويىنى وتكىزىلەدى دەپ جوسپارلانۋدا. بۇگىندە قۇرىلىس الاڭىندا «جۇمىسپەن قامتۋ جول كارتاسى» باعدارلاما بويىنشا 50 ادام جۇمىس جاساۋدا. اياقتالۋ مەرزىمى اعىمداعى جىلدىڭ قازان ايى. ايماق باسشىسى جاۋاپتى ماماندارعا سپورت الاڭىنىڭ ساپالى ورىندالۋىن تاپسىردى.
سونداي –اق، س.ترۇموۆ جاڭاوزەن قالاسىنىڭ ورتالىق ساياباعىن اباتتاندىرۋ مەن «جۇمىسپەن قامتۋ جول كارتاسى 2020» باعدارلاماسى اياسىندا قالاىشىلىك اۆتوكولىك جولدارىنىڭ ورتاشا جوندەۋ جۇمىستارىنىڭ جوسپارىمەن تانىستى. بۇگىندە ورتالىق ساياباقتا سۋ بۇرقاعىن جوندەۋ جانە كىشى ارحيتەكتۋرالىق فورمالاردى ورناتۋ جۇمىستارى جۇرگىزىلۋدە. ال، قالاىشىلىك 54 شاقىرىم جول جوندەلىپ، اۆتوكولىك تاس جولىن سالۋ جۇمىستارى جۇرگىزىلەدى.
سونىمەن قاتار، ءوڭىر باسشىسى جاڭاوزەن ءبىلىم يننوۆاسيا ليسەي ينتەرناتىندا بولىپ، قۇرىلىس جۇمىستارمەن تانىستى. ءبىلىم ورداسى 220 وقۋشىعا ارنالعان جانە 110 ورىندىق جاتاقحاناسى بار. نىسان اعىمداعى جىلدىڭ تامىز ايىندا تاپسىرىلادى.
بۇدان بولەك، ايماق باسشىسىنا بۇرىنعى تۋبەركۋلەز اۋرۋحاناسىنىڭ ورنىنا جەدەل جاردەم ءبولىمى عيماراتىن سالۋ بويىنشا بايانداما جاسالدى. قايتا قۇرىلىمداۋ جوباسى «جۇمىسپەن قامتۋ جول كارتاسى» باعدارلاماسى اياسىندا قايتا قارجىلاندىرۋعا ۇسىنىلعان. جوبا جۇزەگە اساتىن بولسا، جاڭاوزەن قالاسىنان بولەك، قاراقيا اۋدانىنا قاراستى بوستان، سەنەك، قۇلاندى اۋىل تۇرعىندارىنىڭ سۇرانىسى تولىقتاي ورىندالىپ، مەديسينالىق كومەك الا الادى.
وسىدان كەيىن، س. ترۇموۆ جاڭاوزەن قالاسىنىڭ تۇرعىندارىن اۋىز سۋمەن قامتاماسىز ەتىپ، كارىز قىزمەتى جانە قالانىڭ اباتتاندىرۋ جۇمىستارىمەن اينالىساتىن «وزەنينۆەست» مەملەكەتتىك كومۋنالدىق كاسىپورنىنا باردى. مەكەمە مەملەكەتتىك اۆتوموبيل جولدارىن كۇتىپ ۇستاۋ، سپورتتىق-ساۋىقتىرۋ وبەكتىلەرىن، مادەنيەت جانە دەمالىس ساياباقتارىن كۇتىپ ۇستاۋ، مەملەكەتتىك مەنشىكتەگى سۋ شارۋاشىلىعى جۇيەلەرى مەن قۇرىلىس جايلارىن كۇتىپ-ۇستاۋ، پايدالانۋ، جوندەۋ جانە رەكونسترۋكسيالاۋ، سونداي-اق ولاردىڭ قاۋىپسىزدىگىن قامتاماسىز ەتۋ قىزمەتىن اتقارادى. بۇگىندە مەكەمەدە بارلىعى 641 ادام جۇمىس ىستەۋدە. ولاردىڭ 350ء-ى«جۇمىسپەن قامتۋ جول كارتاسى» باعدارلاماسى بويىنشا قابىلدانعان. مەكەمە قالانى كەشەندى دامىتۋ جوسپارى نەگىزىندە 542 ملن. تەڭگەگە اباتتاندىرۋعا قاجەتتى 39 تەحنيكالار مەن قۇرال جابدىقتار الۋعا تاپسىرىس بەرگەن. بۇگىندە شۇڭقىر قازاتىن، جول جيەكتەرىن سىزاتىپ، بۋلدوزەر سىندى 8 تەحنيكا الىنعان.
-جاڭاوزەن قالاسىندا «جۇمىسپەن قامتۋ جول كارتاسى» باعدارلاماسى بويىنشا 39 جوبا ىسكە اسىپ جاتىر. ول 3 ملرد قاراجات. وعان جول قۇرىلىسى، الەۋمەتتىك نىسانداردىڭ جوندەۋ جۇمىستارى جۇرگىزىلەدى. بۇگىنگى ارالاعان نىسانداردىڭ بارلىعىنا قاراجاتتارى ءبولىنىپ، قۇجاتتار راسىمدەلۋى اياقتالعان. ەندىگى ءبىزدىڭ ماقسات وسى جۇمىستاردى ساپالى اياقتاپ، تۇرعىنداردى جۇمىسقا تارتۋ. بۇدان بولەك، جاڭاوزەن قالاسىندا ۇكىمەتپەن قابىلدانعان ەلەۋمەتتىك ەكونوميكالىق جاعدايدى دامىتۋعا ارنالعان كەشەندى جوسپار بار. وسىعان سايكەس قالادا الەۋمەتتىك وبەكتىلەر ىسكە اسىپ جاتىر. جاڭاوزەن قالاسىندا جۇمىسسىزدىق ماسەلەسى باستى نازاردا. ماسەلەنىڭ وڭ شەشىمىن تابۋ ءۇشىن ءبىرقاتار جوبالار ىسكە اسىرىلىپ جاتىر. ءبىز تۇرعىنداردى جۇمىسپەن قامتۋ ءۇشىن جۇمىسپەن قامتۋ جول كارتاسى» باعدارلاماسىمەن جانە شاعىن جانە ورتا بيزنەستى قولداۋعا ارنالعان جەڭىل نەسيەلەر بەرۋ ارقىلى جاڭا جۇمىس ورنىن قۇرامىز. ەگەر جاستار اقتاۋ قالاسىندا جۇمىس جاسايمىن دەسە جاتاقحانامەن قامتاماسىز ەتىپ، وندىرىستىك مەكەمەلەرگە تارتۋعا بولادى - دەدى س.ترۇموۆ.