شقو اكىمى دانيال احمەتوۆ الاكولگە جۇمىس ساپارىمەن بارىپ، جازعى ماۋسىمنىڭ اشىلۋىنا بايلانىستى كاسىپكەرلەرگە سانيتارلىق-ەپيدەميولوگيالىق تالاپتاردى ساقتاۋ ماسەلەلەرى بويىنشا كەزدەسۋ وتكىزدى.
بۇگىنگى كۇنى شىعىس قازاقستاندا كوروناۆيرۋستىق ينفەكسيا جۇقتىرعان 204 ادام تىركەلدى. مۇنداي جاعداي ءۇرجار اۋدانىندا دا ورىن الدى. قازىرگى كۇنى وسى اۋداندا 14 ادام كوروناۆيرۋستىق ينفەكسياعا شالدىققان. بۇدان بولەك، ايماقتا ەشقانداي بەلگىسىز سەبەپتەرمەن اۋىرعان 100-گە جۋىق جاعداي تىركەلدى. بۇل ادامدار ينفەكسيانىڭ تارالۋ كوزى. سوعان بايلانىستى الاكول جاعالاۋىندا سانيتارلىق-ەپيدەميولوگيالىق تالاپتاردى ساقتاۋعا باسا نازار اۋدارىلىپ وتىر.
ماسەلەن، شىعىس جاعالاۋداعى سەرۋەندەۋ جانە سۋعا ءتۇسۋ ايماعىنىڭ جالپى قولدانىستاعى اۋماعى 2 شق. استام جەردى قۇرايدى. وندا شامامەن 12 مىڭ ادام جۇرە الادى. ال بۇل دەمالۋشىلاردىڭ جاپپاي اۋرۋىنا اكەلىپ سوعۋى مۇمكىن. وتكەن جىلى الاكولگە 700 مىڭنان استام ادام كەلدى.
سوندىقتان اۋرۋ جۇقتىرۋدى ازايتۋ ماقساتىندا دەمالۋشىلاردان COVID-19 تەستىنەن وتكەنى جانە جۇقتىرماعانى جونىندە انىقتاما تالاپ ەتىلەدى. انىقتامانىڭ ۋاقىتى جارامسىز بولماۋى كەرەك.
ايتا كەتەيىك، الاكولگە كىرەبەرىستە جىلجىمالى مەديسينالىق پۋنكت جۇمىس ىستەيتىن بولادى. وندا تەستىلەۋدەن ءوتىپ، انىقتامانى الۋعا بولادى. ەگەر ناۋقاستار انىقتالسا، ءۇرجار اۋداندىق اۋرۋحاناسىنا قارالادى. قابانباي اۋىلىندا 12 ينفەكسيالىق توسەك پەن 2 يۆل اپپاراتى بار.
– ءبىزدىڭ باستى مىندەت – قازاقستاندىقتاردىڭ ءومىرى مەن دەنساۋلىعىن ساقتاپ قالۋ. سىزدەر كوممەرسيالىق قىزىعۋشىلىقتاردى ەمەس، ادامداردىڭ قاۋىپسىزدىگىن ويلاۋلارىڭىز كەرەك. بارلىق نىسان ماۋسىم دايىن ەكەنى تۋرالى انىقتامانى العان سوڭ عانا جۇمىسقا كىرىسەدى، – دەدى دانيال احمەتوۆ.
وبلىستىڭ باس سانيتار دارىگەرى مارات يسمايلوۆتىڭ ايتۋىنشا، بۇگىنگى كۇنگە دەيىن بىردە-بىر دەمالىس ورنى تۋريستەردى قابىلداپ الۋعا دايىن دەگەن اكتىنى الماعان.
5-9 ماۋسىم ارالىعىندا 3 مونيتورينگتىك توپ 175 دەمالىس ورنىنداعى سانيتارلىق-ەپيدەميولوگيالىق نورمالاردى تەكسەردى. قازىرگى كۇنى 72 دەمالىس ورنى سانيتارلىق-ەپيدەميولوگيالىق قاۋىپسىزدىك شارالارىن ورىنداۋعا كىرىسۋدە. قالعان 103ء-ى ءالى دايىندىقتى باستاعان جوق.
– 41 دەمالىس ورنىندا دەزينفەكسيالىق قۇرالدار بار. 31-دە سانيتايزەرلەر ورناتىلعان. 20-دا تەرمومەترلەر قويىلعان. تەك ەكى دەمالىس ورنىندا عانا الەۋمەتتىك قاشىقتىق ساقتالعان. سونداي-اق 43 ساۋدا جانە قىزمەت كورسەتۋ نىساندارى باقىلاۋعا الىندى. ونىڭ ىشىندە ەكى دۇكەن اشىلدى. مونيتورينگتىڭ قورتىندىسى بويىنشا 7 سانيتارلىق-ەپيدەميولوگيالىق نورمالاردى بۇزۋشىلىق انىقتالدى. ەندى اتالعان دۇكەندەر بارلىق ماسەلە شەشىلگەنگە دەيىن جۇمىستارىن ۋاقىتشا توقتاتادى، – دەدى مارات يسمايلوۆ.
جازعى ماۋسىم بارىسىندا مونيتورينگتىك توپ جۇمىسىن جالعاستىرادى. توپ مۇشەلەرى دەمالىس ورىندارىن، قوعامدىق تاماقتانۋ جانە وزگە دە نىسانداردى جۇيەلى تۇردە تەكسەرۋدى كوزدەپ وتىر. مونيتورينگتىك شتابتىڭ قۇرامىندا بەلسەندى دەمالىس ورىندارىنىڭ يەلەرى مەن بيزنەسمەندەر بولادى.
كەزدەسۋ بارىسىندا بيزنەسمەندەر سۇراقتارىنا جاۋاپ الىپ، سانيتارلىق-ەپيدەميولوگيالىق شارالاردى ساقتاۋ ماڭىزدى ەكەنىن اتاپ ءوتتى.
– بارلىق شارا ادامداردىڭ ءومىرىن ساقتاپ قالۋ ءۇشىن جاسالادى. ءبىز تالاپتاردى قولدايمىز، تازالىقتى ساقتايمىز. الاكولدىڭ جاعالاۋىندا دەمالۋ ءۇشىن تۋريستەرگە تەستتەن ءوتىپ، دەنساۋلىقتارىنا بەي جاي قاراماۋعا شاقىرامىز. ويتكەنى ەڭ ماڭىزدىسى – قاۋىپسىزدىك، – دەدى «ءىنجۋ» دەمالىس ورنىنىڭ يەسى دۋلات اسىلبەكوۆ.
كوپتەگەن كاسىپكەرلەردىڭ ءوتىنىشى بويىنشا شقو اكىمى بيزنەس نىساندارىن تولتىرۋ ءۇشىن جاڭا ۇسىنىس ايتتى. 13-23 ماۋسىم ارالىعىندا جاعالاۋداعى دەمالۋشىلار اراسىندا كورناۆيرۋستىق ينفەكسيا انىقتالماسا، دەمالىس ورىندارىنىڭ يەلەرىنە ءقوناقۇي نومىرلەرىن 75 پايىزعا دەيىن تولتىرۋعا مۇمكىندىك بەرىلەدى. ەگەر جاعالاۋداعى جاعداي تۇراقتى بولسا، بارلىق نىسان 1 شىلدەدەن باستاپ تولىق جۇمىسقا كىرىسەدى.
شقو اقپارات اگەنتتىگى
