ق ر قارۋلى كۇشتەرى باس شتابى باستىعىنىڭ ءبىرىنشى ورىنباسارى رۋسلان شپەكبايەۆتىڭ ايتۋىنشا، بۇگىنگى كۇنى ارىس قالاسىندا 12،5 توننا ءوق-دارى ساقتالعان.

– قازىرگى تاڭدا ارىس قالاسىندا 12،5 توننا ءوق-دارى ساقتاۋلى جاتىر. اتالعان وق-دارىلەر رەسپۋبليكا اۋماعىندا 2 جاڭا ساقتاۋ نىسانىنىڭ قۇرىلىسى بىتكەننەن كەيىن جەدەل تۇردە تاسىمالدانادى، – دەدى ق ر قك وق-دارىلەر باس باسقارماسىنىڭ وق-دارىلەردى ەسەپكە الۋ جانە قامتاماسىز ەتۋ باسقارماسىنىڭ باستىعى ءنۇراليحان اسانوۆ وكق-داعى ءباپساسوز ءماسليحاتىندا.

ونىڭ ايتۋىنشا، جارۋ جۇمىستارى تەك جۇمىس كۇندەرى – دۇيسەنبى مەن جۇما ارالىعىندا كۇنىنە ساعات 12.00-دە جانە 16.00-دە ەكى رەت جۇرگىزىلەدى.

– جارۋ جۇمىستارىنىڭ وتەتىنى جايلى الدىن الا بارلىق ب ا ق ارقىلى ەسكەرتىلىپ، جۇمىستارى جۇرگىزىلۋدە، – دەدى ول.

ارىس قالاسىنىڭ اكىمى مۇرات قادىربەكتىڭ ايتۋىنشا، جوسپارلى جارىلىستاردى جۇرگىزۋ الدىندا اسكەريلەردەن حابارلاما كەلىپ تۇسەتىنىن ايتىپ ءوتتى.

– ءبىز حابارلامانى ءبىر اپتا بۇرىن ب ا ق ارقىلى تاراتامىز. جارىلىستىڭ قاي ۋاقىتتا جانە قاي ورىندا بولاتىنىن حابارلايمىز. حابارلامانى تاراتۋ كەزىندە بۇكىل بايلانىس قۇرالى ينتەرنەت تە، تەليەۆيدەنيە دە، ءتىپتى داۋىس ۇدەتكىش قۇرالداردى دا پايدالانامىز. ارىس تۇرعىندارى بۇل جاعدايعا تۇسىنىستىكپەن قاراپ وتىر، – دەدى ول.

دەرەككوز: قازاقپارات