"تولە بي اۋداندىق پوليسيا بولىمىنە جەرگىلىكتى تۇرعىن شاعىم تۇسىرگەن. جابىرلەنۋشى ايەلدىڭ ايتۋىنشا، وزىنە جاقسى تانىس ەمەس ادام، ءۇش جىل مەرزىمگە باس بوستاندىعىنان ايىرىلعان قاينىسىن تۇرمەدەن بوساتىپ بەرەمىن دەپ الداپ، سەنىمىنە كىرگەن. سودان تۇرعىن الاياققا الدانىپ، بىرنەشە ءبولىپ اقشا بەرگەنىن، انى-مىنە شىعارادى دەگەنىنە سەنگەنىن، وسىلايشا جىلعا جۋىق ۋاقىت ءوتىپ، ەندى پوليسەيلەردەن باسقا ەشكىم كۇدىكتىنى ۇستاي المايتىنىن ايتىپ، كومەك سۇراعان.

اتالعان جايت ق ر قك-نىڭ 190-بابى "الاياقتىق" بويىنشا تىركەلگەن. جابىرلەنۋشىگە كەلتىرىلگەن شىعىن كولەمى 1،5 ميلليون تەڭگەنى قۇرادى. تولەبيلىك تۇرعىندى الداپ تۇسىرگەن الاياقتى انىقتاپ، ۇستاۋ ماقساتىندا تولەبي اۋداندىق پوليسيا ءبولىمىنىڭ پوليسەيلەرى جەدەل-تەرگەۋ توبىن قۇرعان. ناتيجەسىندە الاياقتىڭ جەكە-باسى انىقتالىپ، ۇيىنە كەلگەن جەرىنەن ۇستالدى. كۇدىكتى شىمكەنت قالاسىنىڭ تۇرعىنى بولىپ شىقتى. كۇدىكتى جابىرلەنۋشىمەن كەزدەيسوق كەزدەسىپ قالعانىن، اڭگىمە اراسىندا سوتتالعان قاينىسىن شىعارا الاتىنىن ايتىپ، الداپ، ودان اقشا العانىن تولىق مويىنداعان. كۇدىكتى ءوز سوزىندە وسى قىلمىستى اقشا قاجەت بولعاندىقتان، وڭاي جولمەن ولجالى بولۋ ماقساتىندا جاساعانىن جەتكىزدى. قازىرگى تاڭدا سوتقا دەيىنگى تەرگەۋ امالدارى "الاياقتىق" بابىمەن جۇرگىزىلىپ، جيناقتالعان ماتەريالدار سوتقا جولدانعان" دەلىنگەن مينيسترلىك تاراتقان اقپاراتتىق حابارلامادا.