ماڭعىستاۋلىق ازاماتتار «حالىق العىسى» مەدالىمەن ماراپاتتالدى.

ءبىلىم بەرۋ، دەنساۋلىق ساقتاۋ، الەۋمەتتىك قورعاۋ سالالارىندا جەمىستى ەڭبەك ەتىپ جۇرگەن پاندەميامەن كۇرەستە ەرەكشە ۇلەس قوسقان ازاماتتار قازاقستان رەسپۋبليكاسى پرەزيدەنتىنىڭ 2020 جىلعى 19 ماۋسىمداعى جارلىعى بويىنشا «حالىق العىسى» مەرەكەلىك مەدالىمەن ماراپاتتالدى. تج مەن كارانتين كەزىندە ءقاۋىپتى ىندەتپەن كۇرەستە ەڭبەگىمەن ەلەنگەن ماڭعىستاۋلىق 7 ازاماتقا وبلىس اكىمى  سەرىكباي ترۇموۆ ”ءبىز بىرگەمىز” ونلاين فورۋمىندا وسى ماراپاتتى تابىستادى.

ولاردىڭ قاتارىندا بەلگىلى جۋرناليست «حابار» تەلەارناسىنىڭ ماڭعىستاۋ وبلىسى بويىنشا ءتىلشىسى، «قوعامدىق كوممۋنيكاسيا ورتالىعىنىڭ» ديرەكتورى  ابىشيەۆا گۇلميرا ايتكەن قىزى، №1 ارناۋلى الەۋمەتتىك قىزمەتتەر كورسەتۋ ورتالىعى مەيىربيكەسى تورەبايەۆا اعيماش اۋعان قىزى، مەديسينا قىزمەتكەرى «SofieMedGroup» كوپسالالى  كلينيكاسى  ج ش س ديرەكتورى مۇحامەتوۆ ايمەت پولات ۇلى، جاڭاوزەن قالالىق پوليسيا باسقارماسىنىڭ يسپەكتورى باۋەنوۆ سەرىك ايتباي ۇلى، جاڭاوزەن قالالىق پوليسيا باسقارماسىنىڭ يسپەكتورى امانبايەۆ شوقان مارات ۇلى، كوممۋنالدىق قىزمەتكەر «كاسپيي جىلۋ، سۋ ارناسى» مكك جىلۋ، سۋمەن قامتۋ ۋچاسكەسىندە اپات جۇمىستارىن قالپىنا كەلتىرۋ سلەسارى تاجىبايەۆ عالىمجان جامبىل ۇلى جانە مادەنيەت قىزمەتكەرى ساپاروۆا زليحا تەنەلباي قىزى بار.

ايتا كەتەيىك الداعى ۋاقىتتا ءدال وسىنداي مەدالمەن 109 ماڭعىستاۋلىق ماراپاتتالاتىن بولادى.