قازاقستاننىڭ كەي قالالارىندا ەكى اپتا قاتارىنان سەنبى جانە جەكسەنبى كۇندەرى ءىرى ساۋدا ورىندارى جابىق بولعان. سونىڭ سالدارىنان Magnum جانە Metro جەلىلەرى ميلليونداعان تەڭگەگە شىعىن كورگەن، دەپ حابارلادى lsm.kz.
Magnum-نىڭ PR-مەنەدجەرى دميتريي شيشكين جەلى ءجۇز ميلليونعا جۋىق تەڭگە قارجى جوعالتقانىن ايتتى.
– شىعىننىڭ ناقتى سوماسى ەسەپتەلىپ جاتىر. ەكى اپتا ارالىعىندا بەلگىلى بولادى. الايدا 20-21، 27-28 ماۋسىم كۇندەردەگى شىعىن جۇزدەگەن ميلليون تەڭگە بولعانى بولجانىپ وتىر. بىزدەن بولەك جەتكىزۋشىلەرىمىز دە شاعىنعا باتتى. ءسۇت ونىمدەرى، جەمىس-جيدەك پەن كوكەنىستەرگە تاپسىرىس دەمالىس كۇندەردەگى جوعارى سۇرانىس ەسكەرىلىپ بەرىلگەن. شىعىنداردىڭ دەنىن تاۋار ءتۇرىن جوعالتقان ونىمدەر قۇرايدى. ولار ونداعان توننادان اسادى. نەگىزىنەن وتاندىق تاۋارلار، – دەدى ول.
Metro جەلىسىنىڭ PR مامانى اسەمگۇل سىزدىقوۆا دا نۇر-سۇلتان مەن الماتىداعى ساۋدا نۇكتەلەرىنىڭ جابىلۋىنان جەمىس پەن كوكەنىس، ەت، ءسۇت، نان ونىمدەرى سەكىلدى ساقتالۋ مەرزىمى قىسقا ازىق-تۇلىك تاۋارلارى كاتەگورياسىندا كومپانيا شىعىنعا باتقانىن جەتكىزدى.
پىكىر قالدىرۋ