ق ر دەنساۋلىق ساقتاۋ ۆيسە-مينيسترى اجار گينيات جەدەل جاردەم قىزمەتكەرلەرى شاقىرتۋ تۇسكەن جاعدايدا جاعىمسىز جاعدايلارمەن ءجيى كەزدەسىپ جاتقانىن ءمالىم ەتتى دەپ حابارلادى قازاقپارات.
"جەدەل جاردەم قىزمەتىنىڭ مەديسينا قىزمەتكەرلەرى شاقىرتۋلار كەزىندە جاعىمسىز ەموسيالىق جاعدايلارمەن كوپ كەزدەسەدى. ولار وتە جوعارى فيزيكالىق جانە پسيحيكالىق جاعدايدا جۇمىس ىستەپ جاتىر. شاقىرتۋلار بويىنشا قىزمەت كورسەتۋ دەڭگەيى ءبىرىنشى كەزەكتە پاسيەنتتەردىڭ جاعدايىنىڭ اۋىرلىعىنا بايلانىستى انىقتالادى. سوندىقتان مەديسينالىق قىزمەتكەرلەرگە رەنجىمەي، ءوز كەزەكتەرىڭىزدى كۇتكەندەرىڭىز دۇرىس"، - دەدى ول وكق-دا وتكەن باسپا ءسوز ءماسليحاتىندا.
اجار گينياتتىڭ ايتۋىنشا، تەستىلەۋدى جۇرگىزۋ توڭىرەگىندەگى داۋلى جاعداي پتر-تەست تاپشىلىعىنا بايلانىستى ەمەس. وسى ۋاقىتقا دەيىن قازاقستاندا 1،5 ملن تەست جۇرگىزىلگەن.
"ودان بولەك قوسىمشا 1،2 ملن تەست ساتىلىپ الىنۋدا. ازاماتتاردىڭ كوپشىلىگى ءبىر مەزگىلدە جۇگىنگەن جاعدايدا پتر-اناليزاتورلارى بار 56 زەرتحانانىڭ وتكىزۋ قابىلەتى جەتكىلىكسىز بولىپ وتىر. وسىعان بايلانىستى كەزەك قالىپتاسىپ قالادى. وسى جىلى تامىز ايىنىڭ سوڭىنا دەيىن 20 پتر-اناليزاتور ساتىلىپ الىنىپ، زەرتحانالار سانى كوبەيەدى. تەستىلەۋ دارىگەرلەردىڭ كەڭەسى بويىنشا وتكىزىلۋى ءتيىس"، - دەدى ول.
پىكىر قالدىرۋ