پرەمەر-مينيستر اسقار مامين شىلدە ايىنا الەۋمەتتىك جاردەماقى كىمدەرگە بەرىلەتىنىن مالىمدەدى. بۇل تۋرالى ول ۇكىمەت وتىرىسىندا ايتتى.

– مەملەكەت باسشىسىنىڭ تاپسىرماسىمەن شەكتەۋ شارالارى كەزىندە تابىسىنان ايىرىلعاندارعا الەۋمەتتىك جاردەماقىنى ەڭ تومەنگى جالاقى مولشەرىندە ءبىر ايعا تولەۋ تۋرالى شەشىم قابىلداپ وتىرمىز. تولەم كارانتيننىڭ كۇشەيتىلۋىنە بايلانىستى جۇمىسى شەكتەلگەن جۇمىس بەرۋشىلەردىڭ، جەكە كاسىپكەرلەر مەن ءوزىن-وزى جۇمىسپەن قامتىعانداردىڭ ءوتىنىمى نەگىزىندە جۇرگىزىلەدى. ەڭبەك جانە حالىقتى الەۋمەتتىك قولداۋ مينيسترلىگى توتەنشە جاعداي كەزەڭىندەگىدەي ازاماتتاردىڭ جەكەلەگەن ساناتتارىنا ازىق-تۇلىك ونىمدەرى بويىنشا اقشالاي كومەك بەرۋدى جالعاستىرسىن. بۇل – 1 ميلليوننان استام ادام، – دەدى مامين.

الەۋمەتتىك تولەمگە قالاي ءوتىنىم بەرۋگە بولادى نەمەسە تولەم اۆتوماتتى تۇردە بۇرىن العان ازاماتتارعا بەرىلە مە ول جاعى ازىرگە ايتىلمادى.

بۇعان دەيىن پرەزيدەنت قاسىم-جومارت توقايەۆ ەلدەگى ەپيدەميولوگيالىق جاعداي وڭالا باستاعانىن، دەسە دە ءالى دە شەكتەۋ شارالارى قاجەت ەكەنىن ايتىپ، مۇقتاج ازاماتتارعا 42500 تەڭگە تولەنەتىنىن مالىمدەگەن بولاتىن.

ەسكە سالا كەتەيىك، پرەزيدەنتتىڭ تاپسىرماسىمەن ەلدە كارانتين تاعى ەكى اپتاعا ۇزارتىلدى.

♦ وقي وتىرىڭىز: "جىرتىق جاماۋعا كەلمەيدى". 42500 تەڭگە حالىقتىڭ كەرەگىنە جەتە مە؟