دەنساۋلىق ساقتاۋ ءمينيسترى الەكسەي سوي قىركۇيەكتەن باستاپ بارلىق مەكتەپتەردە وقۋشىلاردى قاشىقتان وقىتۋدى ۇسىندى.

– اسقار ۇزاقبايلى، قازىرگى تاڭدا قازاقستاندا كوروناۆيرۋس جۇقتىرۋدىڭ شامامەن 60 مىڭنان اسا دەرەگى تىركەلدى. ونىڭ ىشىندە 1700ء-ى بالا. كارانتين كەزىندە بالالاردىڭ ينفەكسيا جۇقتىرۋ دەرەگى ازايدى. مەكتەپتەردە كۇندىزگى وقۋدى جانداندىرۋ ىندەتتىڭ تارالۋىنا جول اشادى. ءقازىر كوروناۆيرۋستىڭ تارالۋىنىڭ ءقاۋپى باسىم. جىل سايىن جرۆي جانە تۇماۋمەن اۋىراتىندار 14 جاسقا دەيىنگى بالالاردىڭ 70 پايىزىن قۇرايدى. كوروناۆيرۋستىڭ تارالۋىن ەسكەرە وتىرىپ، وقۋ جىلىنىڭ ءبىرىنشى توقسانىندا شاعىن جيناقتى مەكتەپتەردى ەسەپتەمەگەندە ورتا ءبىلىم بەرۋ ۇيىمدارىنداعى بارلىق سىنىپتى قاشىقتان وقىتۋدى قاراستىرعان ءجون، – دەپ ايتتى.

رەسمي دەرەككە سايكەس، ەلدە 61 755 ادام كوروناۆيرۋس ينفەكسياسىن جۇقتىرعان.، ونىڭ 35 911ء-ى ىندەتتەن جازىلىپ شىقسا، 375 ادام قايتىس بولعان.

پرەزيدەنت قاسىم-جومارت توقايەۆ ەلدەگى ەپيدەميولوگيالىق جاعداي وڭالا باستاعانىن، دەسە دە ءالى دە شەكتەۋ شارالارى قاجەت ەكەنىن ايتىپ، كاراتين رەجيمى تاعى ەكى اپتاعا سوزىلاتىنىن حابارلاعان. كارانتين جالپى جيىنتىعى 4 اي قۇرايتىندىقتان مۇقتاج ازاماتتارعا 42500 تەڭگە تولەنەتىن بولىپ شەشىلدى.