تىكەلەي ەفير بارىسىندا شىعىس قازاقستان وبلىسىنىڭ اكىمى دانيال احمەتوۆ كارانتيندىك شارالار كۇشەيتىلگەننەن كەيىن سەمەيدەگى جاعداي جاقسارعانىن اتاپ ءوتتى.
ماۋسىم ايىنىڭ باسىندا شىعىس قازاقستاندا تىركەلگەن كوروناۆيرۋس اۋرۋىنىڭ 68% سەمەيدە بولعان ەدى. 19 ماۋسىمدا كارانتيندىك شارالاردى كۇشەيتۋ تۋرالى شەشىم قابىلداندى. ناتيجەسىندە، سوڭعى 10 كۇننىڭ ىشىندە اتالمىش جاعداي ازايدى. سەمەيدە 28 ماۋسىم كۇنى COVID-19 ۆيرۋسىن جۇقتىرعان 22، وسكەمەندە 23 جاعداي تىركەلدى. سەمەيدە 29 ماۋسىم كۇنى 11، وسكەمەندە 21 ادامنان ۆيرۋس انىقتالدى. سوڭعى اپتادا سەمەيدەگى اۋرۋ كورسەتكىشى 1،5 ەسەگە ازايدى. وبلىس ورتالىعىندا وسىنداي كورسەتكىش شىلدە ايىنىڭ ورتا شەنىندە كۇتىلۋدە.
– قولدانىلعان شارالار ناتيجەسىن بەرۋدە. سوندىقتان وسكەمەندە 24 ماۋسىم كۇنى وسكەمەندە شەكتەۋ شارالارى بەكىتىلدى. بۇل ءوز كەزەگىندە اۋرۋ كورسەتكىشىنىڭ تومەندەۋىنە سەپتىگىن تيگىزەدى، – دانيال احمەتوۆ.
وڭىردە ءساۋىر مەن مامىر ايلارىندا ەنگىزىلگەن شەكتەۋ شارالارىنىڭ ناتيجەسىندە كوروناۆيرۋس كوپ تارالمادى. رۇقساتنامالىق جۇيە قالاداعى قوزعالىستى 50% پايىزعا ازايتتى.
– ەگەر تەز ءارى ناقتى كورسەتكىشكە قول جەتكىزگىمىز كەلسە، وسى شارالاردى ساقتاۋىمىز كەرەك. سەمەيدەگى شارالار ناتيجەسىن بەردى. ءبىز "تىنىش كۇندەر" ارقىلى سەنبى، جەكسەنبى كۇندەرى قوزعالىستى شەكتەۋىمىز كەرەك. بۇل وڭ كورسەتكىش بەرەدى، – دەدى دانيال احمەتوۆ.
پىكىر قالدىرۋ