پوليسەيلەر تۇركىستان وبلىسىندا ەكى ادامدى قاعىپ، وقيعا ورنىنان قاشىپ كەتكەن جۇرگىزۋشىنى ۇستادى. بۇل تۋرالى Polisia.kz مالىمدەدى.
شاردارا اۋدانىنىڭ تۇرعىنى تۇنگى ۋاقىتتا بايدىبەك اۋداندىق پوليسيا بولىمىنە ارىزدانىپ، شىمكەنت-سامارا تاسجولىنىڭ بويىندا وزدەرىن بەلگىسىز كولىك قاعىپ كەتكەنىن جانە ءبىر ادامنىڭ كوز جۇمعانىن حابارلاعان.
پوليسيا وقيعانىڭ ءمان-جايىن انىقتادى.
جۇرگىزۋشىسى مەن ونىڭ كومەكشىسى "VAN Hool" ماركالى جولاۋشى تاسىمالدايتىن اۆتوبۋس كولىگىنىڭ اقاۋىن تەكسەرىپ تۇرعان. وسى ۋاقىتتا "گاز-53" ماركالى كولىكتىڭ جۇرگىزۋشىسى بۇزىلىپ تۇرعان اۆتوبۋستى جاناي سوعىپ، ودان كەيىن سول جەردە تۇرعان جابىرلەنۋشى مەن كولىك جۇرگىزۋشىسىن قاققان. كەيىن وقيعا ورنىنان بوي تاسالاپ، قاشىپ كەتكەن.
اۆتوبۋستىڭ جۇرگىزۋشىسى جەڭىل دەنە جاراقاتتارىن العان. ونىڭ كومەكشىسى وقيعا ورنىندا قايتىس بولعان. كۇدىكتى وقيعا ورنىنان قاشىپ كەتىپ، قۇتىلماق بولعانىن تولىق مويىندادى.
بايدىبەك اۋداندىق پوليسيا ءبولىمىنىڭ قىزمەتكەرلەرى جەدەل ىزدەستىرۋ شارالارىن باستادى. ناتيجەسىندە جۇك كولىگى سايرام اۋدانىنان تابىلىپ، اۆتوكولىكتى جوندەۋگە قالدىرىپ كەتكەن كۇدىكتىنىڭ جەكە باسى انىقتالدى. ول سايرام اۋدانىنىڭ تۇرعىنى بولىپ شىقتى.
قازىرگى ۋاقىتتا كۇدىكتى قاماۋعا الىنىپ، ونىڭ جۇك كولىگى ايىپتۇراققا قويىلدى. قىلمىستىق ءىس بويىنشا اۆتوكولىككە ءتيىستى ساراپتامالار تاعايىندالىپ، سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر.
پىكىر قالدىرۋ