الماتىدا 20 شىلدەدەن باستاپ كارانتين كۇشەيتىلدى. بۇگىن ەلەكتروندى ۇكىمەت پورتالىندا الماتى قالالىق باس سانيتارلىق دارىگەرىنىڭ قاۋلىسى شىقتى.
قالانىڭ باس مەملەكەتتىك سانيتارلىق دارىگەرى جانداربەك بەكشين ءنىڭ قاۋلىسىنا سايكەس الماتى قالاسىنىڭ اۋماعىندا 2020 جىلدىڭ 20 شىلدەسى ساعات 00.00-دەن باستاپ قاتاڭ شەكتەۋ شارالارى ەنگىزىلەدى.
قالاارالىق اۆتوبۋس تاسىمالى توقتاتىلادى. قالا ماڭىنا قاتىنايتىن اۆتوبۋستاعى جولاۋشى سانى 50%-دان اسپاۋى ءتيىس. قالالىق قوعامدىق كولىكتىڭ، ونىڭ ىشىندە مەتروپوليتەننىڭ 50%-دان اسپايتىن تولتىرىلۋىمەن جۇمىسىن قامتاماسىز ەتۋ جۇكتەلگەن.
سەنبى جانە جەكسەنبى كۇندەرى قالاداعى قوعامدىق كولىك، قالا ماڭىنا قاتىنايتىن اۆتوبۋس، مەتروپوليتەن جۇمىسى تولىق توقتاتىلادى.
قوعامدىق كولىك ءاربىر رەيس سايىن دەزينفەكسيا جاساۋ قامتاماسىز ەتىلۋى ءتيىس. تومەندەگى شارالارعا تىيىم سالىنادى:
- مەنشىك نىسانىنا قاراماستان بارلىق ۇيىمداردا جينالىس، كەڭەس، كونفەرەنسيا، فورۋم، سەمينار، سەزد، كورمە، ترەنينگ، وقىتۋ كۋرسى جانە ادام كوپ جينالاتىن باسقا دا ءىس-شارالاردى، سونداي-اق وتباسىلىق شارالاردى (بانكەت، ۇيلەنۋ تويى، مەرەيتوي، ەسكە الۋ ت.ب.)، سونىڭ ىشىندە ۇيدە جانە دالادا ادام كوپ جينالاتىن باسقا دا ءىس-شارالاردى وتكىزۋگە تىيىم سالىنادى؛
- مادەنيەت وبەكتىلەر، مۇراجايلار، تەاتر، كورمە جانە ادامدار كوپ جينالاتىن باسقا دا وبەكتىلەردىڭ قىزمەتىنە تىيىم سالىنادى؛
- ءدىني نىساندار (مەشىت، شىركەۋ، سيناگوگا جانە ت. ب.) قىزمەتىن توقتاتىلادى؛
- بالالار لاگەرى، ءبىلىم بەرۋ ورتالىقتارى، بالالاردىڭ تۇزەتۋ كابينەتتەرى، مەكتەپكە دەيىنگى بالالار مەكەمەلەرىنىڭ (كەزەكشى توپتاردان باسقا)، بالالاردىڭ قوسىمشا وقىتۋ ورىندارىنىڭ قىزمەتىنە تىيىم سالىنادى؛
- ۇلتتىق وليمپيادالىق كوميتەت اككرەديتتەگەن سپورت بازالارىن ساناماعاندا، بارلىق سپورت نىساگدارىنىڭ (سپورت الاڭى، كەشەن، ۇيىرمە، سەكسيا، باسسەين جانە ت. ب.) قىزمەتىنە تىيىم سالىنادى؛
- قالانىڭ تىنىس-تىرشىلىگىن قامتاماسىز ەتەتىن ۇيىم مەن كاسىپورىن قىزمەتكەرلەرىنىڭ تۇراتىن وبەكتىسىن قوسپاعاندا، كۇشەيتىلگەن سانيتارلىق-دەزينفەكسيالىق رەجيمدى ساقتاي وتىرىپ، حالىقتىڭ (قوناق ءۇي، دەمالىس ءۇيى، تۋريستىك بازا جانە ت.ب.) تۇرۋى بويىنشا قىزمەت كورسەتۋ سالاسىنداعى تۋريزم وبەكتىلەرى مەن ۇيىمداردىڭ قىزمەتىنە رۇقسات بەرۋ. وسى نىسانداردى مەديسينالىق ۇيىم ەتىپ قايتا بەيىندەۋگە جول بەرىلەدى؛
- 65 جاستان اسقان ادامداردىڭ قوزعالىسىن شەكتەلەدى؛
- كولىكتىڭ كەز كەلگەن تۇرىمەن ۇلتتىق ساياباقتاردىڭ، تانىمال تۋريستىك جانە تاۋ نىساندارىنىڭ (مەدەۋ، بۋتاكوۆكا، الما-اراسان، ونىڭ ىشىندە رادون بۇلاعى) اۋماعىنا بارۋعا تىيىم سالىنعان. دەمالىس كۇندەرى (سەنبى جانە جەكسەنبى) ۇلتتىق ساياباق جابىق. جاياۋ سەرۋەندەۋگە تەك جۇمىس كۇندەرى كەلەسى ەرەجەلەردى ساقتاي وتىرىپ رۇقسات ەتىلەدى: تاماق (سۋسىننان باسقا) الىپ وتۋگە، پيكنيك جاساۋعا جانە وت جاعۋعا ۇزىلدى-كەسىلدى تىيىم سالىنادى؛ پاركتىڭ اۋماعىندا ءۇش ادامنان استام توپتانۋعا تىيىم سالىنعان. الەۋمەتتىك قاشىقتىق، سانيتاريالىق تالاپتى ساقتاۋ.
- 3 ادامنان اسپايتىن جەكە نەمەسە ءبىر وتباسى مۇشەلەرىن قوسپاعاندا، تابيعاتقا ەكسكۋرسيالىق، كورپوراتيۆتىك، توپتانىپ بارۋعا تىيىم سالىنعان؛
- ساۋدا-ويىن-ساۋىق ورتالىقتارىنىڭ، ساۋدا ۇيلەرىنىڭ، ساۋدا جەلىلەرىنىڭ، ولاردا ورنالاسقان ازىق-تۇلىك سۋپەرماركەتتەرىن، ءدارىحانالاردى جانە جازعى تەرراسسالارى مەن جەكە كىرەتىن ەسىگى بار ستاسيونارلىق تاماقتانۋ وبەكتىلەرىنەن باسقالاردىڭ قىزمەتىنە تىيىم سالىنادى؛
- ويىن-ساۋىق مەكەمەلەرىنىڭ (كاراوكە، كاليان، بيليارد، كومپيۋتەر كلۋبى، بۋكمەكەرلىك كەڭسە، تۇنگى كلۋب، بوۋلينگ، اتتراكسيون، بالالاردىڭ ويىن الاڭدارى، باتۋت جانە باسقالار)، كينوتەاترلار قىزمەتىنە تىيىم سالىنعان؛
- فۋدكورتتار، بانكەت زالدارىنىڭ قىزمەتىنە تىيىم سالىنادى؛
- كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، ۇجىمدىق ءىس-شارالاردى وتكىزبەي، اشىق اۋادا 30 وتىراتىن ورىننان اسپايتىن قوعامدىق تاماقتانۋ وبەكتىسىنىڭ قىزمەتىنە رۇقسات بەرىلگەن، جۇمىسى ساعات 22.00-گە دەيىن شەكتەلەدى. تاعامدى الىپ كەتۋگە جانە جەتكىزۋگە رۇقسات ەتىلەدى؛
- كوسمەتيكالىق جانە كوسمەتولوگيالىق قىزمەت كورسەتەتىن سپا-ورتالىقتاردىڭ، ترەناجەر زالىنىڭ، فيتنەس-ورتالىقتىڭ، سپورتتىق-ساۋىقتىرۋ ورتالىعىنىڭ، باسسەين، جاعاجايدىڭ، اكۆاپارك، قوعامدىق مونشانىڭ، ساۋنانىڭ، سۇلۋلىق سالونىنىڭ، شاشتاراز، مانيكيۋر مەن پەديكيۋر قىزمەتىنىڭ، ماسساج كابينەتىنىڭ قىزمەتىنە تىيىم سالىنادى؛
- جابىق ازىق-تۇلىك جانە ازىق-تۇلىك ەمەس بازارلارى جۇمىس ىستەمەيدى؛
- جەتكىزۋدى قوسپاعاندا، اۋدانى 500 شارشى مەتردەن ۇلكەن ازىق-تۇلىك ەمەس دۇكەندەردىڭ قىزمەتىنە تىيىم سالىنعان.
تومەندەگى قىزمەت ۇيىمدارىنا رۇقسات بەرىلەدى:
- ق ر ۇلتتىق بانكىنىڭ جانە ق ر قارجى نارىعىن رەتتەۋ جانە دامىتۋ اگەنتتىگىنىڭ اكتىسىنە سايكەس ۋاقىتى مەن سانى بويىنشا شەكتەۋلى قارجى نارىعى سۋبەكتىلەرىنىڭ قىزمەتىنە رۇقسات بەرۋ؛
- قىزمەتكەرلەردىڭ كەمىندە 50%-ىن قاشىقتان جۇمىس رەجيمىنە اۋىستىرا وتىرىپ جانە كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، ونلاين فورماتتا بارىنشا قىزمەت كورسەتە وتىرىپ، حالىققا قىزمەت كورسەتۋ ورتالىقتارىنىڭ جۇمىسىن ساعات 09.00-دەن 16.00-گە دەيىن ۇيىمداستىرۋ؛
- كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، ونلاين رەجيمدە كورسەتىلمەيتىن قىزمەتتەر ءۇشىن جۇمىس كۇندەرى ساعات 8.00-دەن 14.00-گە دەيىن جۇمىس كەستەسىن بەلگىلەي وتىرىپ، «قازپوشتا» اق جۇمىسىن ۇيىمداستىرۋ؛
- ۇزدىكسىز وندىرىستىك سيكلى بار ونەركاسىپتىك كاسىپورىنداردىڭ قىزمەتى؛ كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، اشىق اۋاداعى قۇرىلىس جۇمىستارى؛
- كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، حالىققا بايلانىسسىز قىزمەت كورسەتۋ جونىندەگى وبەكتىلەردىڭ (اۆتوموبيل جۋۋ، اۆتوموبيلدەردى، تۇرمىستىق تەحنيكانى جوندەۋ، حيميالىق تازالاۋ جانە باسقالار) قىزمەتىن ساعات 10:00-دەن 17:00-گە دەيىن شەكتەۋ؛
- جۇمىس جانە دەمالىس كۇنىنىڭ كەستەسىن بەلگىلەي وتىرىپ، بيزنەس ورتالىقتاردىڭ (ساقتاندىرۋ كومپانيالارى، نوتاريۋس، بۋحگالتەر جانە كونسالتينگ، جىلجىمايتىن مۇلىك جونىندەگى اگەنتتىكتەر، جارناما اگەنتتىكتەرى جانە ت. ب.)، ايىرباستاۋ پۋنكتىنىڭ، لومباردتىڭ جۇمىسىن ساعات 9.00-دەن 17.00-گە دەيىن ۇيىمداستىرۋ؛
- ايماقتاۋ تالاپتارىن جانە كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، مەديسينالىق ورتالىقتاردىڭ (جازبا بويىنشا) قىزمەتىنە رۇقسات بەرۋ؛
- كۇشەيتىلگەن سانيتاريالىق-دەزينفەكسيالىق رەجيمدى ساقتاي وتىرىپ، ءدارىحانالاردىڭ، ازىق-تۇلىك دۇكەندەرىنىڭ (شاعىن ماركەتتەر، سۋپەرماركەتتەر، گيپەرماركەتتەر)، ازىق-تۇلىك جانە ازىق-تۇلىك ەمەس بازارلاردىڭ (عيماراتتاردان تىس) قىزمەتىنە رۇقسات بەرۋ.
- تەحنيكالىق جانە مەديسينالىق وتتەگىن وندىرۋشىلەر قالالىق اۋرۋحانالاردى ۇزدىكسىز مەديسينالىق وتتەگىمەن جابدىقتاۋدا ءبىرىنشى كەزەكتە جانە باسىمدىقتى قامتاماسىز ەتسىن.
- كەمىندە 80% قىزمەتكەرىن قاشىقتىقتان جۇمىس نىسانىنا اۋىستىرۋ (شتات بىرلىگىندە قىزمەتكەرى 30-دان اساتىن بولسا)؛
- الەۋمەتتىك قاشىقتىقتى جانە كۇشەيتىلگەن سانيتاريالىق-دەزينفەكسيالىق رەجيمدى ساقتاۋ، ايماقتارعا ءبولۋ تالاپتارىن ساقتاي وتىرىپ، الدىن الا جازىلۋ بويىنشا قىزمەتتەر كورسەتۋ؛
- اشىق اۋادا جەكە جاتتىعۋلارعا رۇقسات؛
- وڭىرلەر اراسىندا جەكە اۆتوكولىكتىڭ ءجۇرىپ-تۇرۋىنا رۇقسات بەرۋ. قالا تۇرعىندارىنا جۇمىس جانە قوعامدىق ورىنداردا (ساۋدا وبەكتىلەرى، كوشە، ساياباق، اۋەجاي جانە ت. ب.)، قوعامدىق كولىكتە ماسكا رەجيمىن جانە الەۋمەتتىك قاشىقتىقتى ساقتاۋى قاجەت؛ تۋعان كۇن، مەرەيتوي، توي سەكىلدى كوپ ادام شاقىرىلاتىن كەز كەلگەن شارانى وتكىزۋگە تىيىم سالىنادى.
وسى قاۋلى 21 شىلدەدە 00 ساعات 00 مينۋتتان باستاپ كۇشىنە ەنەدى.
پىكىر قالدىرۋ