الماتى قالاسىندا توتەنشە جاعداي كەزىندە 42 500 تەڭگە كولەمىندە الەۋمەتتىك كومەك الۋعا ءوتىنىمدى 900 مىڭعا جۋىق ادام بەرگەن. سونىڭ ىشىندە الەۋمەتتىك كومەكتى شامامەن 441 مىڭ ادام العان. بۇل تۋرالى الماتى قالاسىنىڭ الەۋمەتتىك ءال-ۋقات باسقارماسى باستىعىنىڭ ورىنباسارى دانيار الكەباي ۇلى مالىمدەدى.

ول توتەنشە جاعداي كەزىندە تولەمنىڭ دەرلىك بارلىق جۇمىس توقتاعان كەزدە تاعايىندالعانىن اتاپ ءوتتى.

«وتكەن جولى تولەمگە ءوتىنىمدى ءاربىر جۇمىسكەر بەرگەن، ءبىز قوسىمشا تەكسەرۋدى جۇرگىزگەن جوقپىز. تولەم بەرىلۋى ءتيىس ادامداردىڭ بارلىعىنا تولەم تاعايىندادىق. قازىرگى كەزدە كەڭسە، ۇيدە جۇمىس ىستەپ جۇرگەن ادامدار تۋرالى مالىمەت ءۇشىن جاۋاپكەرشىلىك جۇمىس بەرۋشىنىڭ مويىنىندا»، - دەپ ءتۇسىندىردى ول.

ونىڭ ايتۋىنشا، تابىسىنان ايىرىلماسا دا، تولەم الۋ ءۇشىن قۇجات تاپسىرىپ جۇرگەن ادامدار دا بار. وسىنداي وقيعالار توتەنشە جاعدايلار كەزىندەگى ءبىرىنشى لوكداۋندا تىركەلگەن.

«وتكەن تولەمدەر كەزىندە ماعان تابىسىنان ايىرىلماي، ونلاين-رەجيمدە جۇمىس ىستەگەن بىرنەشە ادام تەلەفون شالعان. الايدا ولار اتالعان تولەمدى الۋعا ءوتىنىمدى جىبەرىپ، اقشانى الدى. ودان كەيىن رەكۆيزيتتەر ىزدەپ، اقشانى قايدا قايتارۋ كەرەك ەكەنىن سۇراپ جۇرگەن، بۇل اقشانىڭ كەرەك ەمەسىن ايتقان. ولارعا بەرىلۋى ءتيىس ەمەس ەكەنىن ايتتى. اقىرى، اقشانى قايتارىپ بەردى. قالادا اقشانى سانالى تۇردە 16 ادام قايتاردى. مەنىڭ بىلۋىمشە، ولار بويىنشا ەشقانداي ارىز تالاپتار ۇسىنىلعان جوق.

جالپى العاندا، cوڭعى ەكى ايدا 42 500 تەڭگەنى 441 مىڭعا جۋىق ادام العان، بۇل – 18 ميللياردتان استام تەڭگە.

تولەم الۋعا ءوتىنىمدى 900 مىڭعا جۋىق ادام بەردى. وتىنىمدەردىڭ ءبىر بولىگى ءتۇرلى سەبەپتەر بويىنشا قابىلدانعان جوق: كەيبىر وتىنىمدەر ەكىنشى رەت بەرىلسە، ءوتىنىم بەرگەن كەي ازاماتتار مەملەكەتتىك مەكەمەلەردە جۇمىس ىستەگەن، كەيبىرەۋلەرى مەملەكەتتىڭ تولىق قامقورلىعىندا بولعان. ءتىپتى، قايتىس بولعان ادامداردىڭ اتىنان ءوتىنىم بەرگەن جاعدايلار دا كەزدەستى»، - دەپ ءتۇسىندىردى دانيار الكەباي ۇلى.