الماتى اكىمى باقىتجان ساعىنتايەۆ قالانىڭ جاڭا نىساندارىن كوۆيدتىك گوسپيتالدەر رەتىندە پايدالانۋدىڭ دايىندىق بارىسىمەن تانىستى.

بۇگىن قالا اكىمى جۇمىس ساپارى بارىسىندا №4 پەرزەنتحانانىڭ جاڭا نىسانىندا بولدى.

«بۇگىن №4 قالالىق پەرزەنتحانانىڭ جاڭا كورپۋسىن قاراپ شىقتىم. مۇندا COVID-19-بەن اۋىرعاندار ءۇشىن قوسىمشا 50 توسەك-ورىن اشىلادى. كوروناۆيرۋس ينفەكسياسىمەن بوساناتىن ايەلدەرگە ارنالعان گوسپيتالدى دايىنداۋ بويىنشا قۇرىلىس-جوندەۋ جۇمىستارى اياقتالدى. ءقازىر حيرۋرگيالىق، رەانيماسيالىق جابدىقتاردى، ءوجج اپپاراتتارىن قوسۋ جۇمىستارى جۇرگىزىلۋدە. ءسويتىپ اپتانىڭ سوڭىنا قاراي بۇل جەر كۆي-مەن بوساناتىن ايەلدەردى قابىلداۋعا دايىن بولادى»، — دەپ جازدى باقىتجان ساعىنتايەۆ Instagram-داعى پاراقشاسىندا.

اكىم ءوزىنىڭ سوزىندە كوۆيدتى ستاسيونار رەتىندە جۇمىس جاسايتىن پەرزەنتحانانىڭ قۋاتتىلىعى 105 توسەك-ورىنعا دەيىن جەتەتىنىن ايتتى.

«جوعارى بىلىكتى مەديسينالىق كومەكتىڭ دەر كەزىندە كورسەتىلۋى ارقاسىندا انالار مەن جاڭا تۋعان نارەستەلەردىڭ دەنساۋلىعى مەن ءومىرى ساقتالاتىن بولادى»، — دەپ اتاپ ءوتتى ب. ساعىنتايەۆ.

سونىمەن قاتار، الماتى اكىمى COVID-19-بەن كۇرەسۋدە ناۋقاستاردى جاتقىزاتىن ورىنداردى كوبەيتۋ قاجەتتىلىگىنە بايلانىستى سالىنىپ جاتقان ارنايى الەۋمەتتىك قىزمەت كورسەتۋ ورتالىعى عيماراتىنىڭ قۇرىلىس بارىسىمەن تانىستى، مۇندا 500 توسەك-ورىنعا ارنالعان ءبىرىنشى ەشەلون ينفەكسيالىق ستاسيونار رەتىندە قايتا بەيىمدەلەدى.

«بارلىق قۇرىلىس-جوندەۋ جۇمىستارى قارقىندى تۇردە جۇرگىزىلۋدە. نىساندى ءبىر ايدان كەيىن تاپسىرۋدى جوسپارلاپ وتىرمىز»، — دەپ جازدى ب. ساعىنتايەۆ.

جاڭا كوۆيدتىك گوسپيتال قاجەتتى زاماناۋي قۇرالدارمەن جانە مەديسينالىق گازبەن جابدىقتالادى. ءقازىر كادرلاردى دايارلاۋ جۇمىستارى جۇرۋدە. مۇندا گوسپيتال پاسيەنتتەرىنە دياگنوستيكالىق مەديسينالىق كومەك تولىق كولەمدە كورسەتىلەتىن بولادى.

بۇرىن حابارلانعانىنداي، كوۆيدتى گوسپيتالدەر دەنساۋلىق ساقتاۋ نىساندارىنىڭ بازالارىنا ورنالاسادى،ياعني ولار قايتا جابدىقتالىپ، سانيتارلىق-ەپيدەميولوگيالىق نورمالارعا ساي پارمەندى جۇمىس جاسايتىن بولادى.

تازا جانە كىر ايماقتاردى بولەتىن قورشاۋلار، شليۋزدەر، دەزينفەكسيالىق توننەلدەر ورناتىلۋدا، جەلدەتكىش (ۆەنتيلياسيا) جۇيەلەرى جانە باسقا دا جۇمىستار رەتكە كەلتىرىلۋدە.