ەمدەۋ ورىندارىندا وكپەنىڭ قابىنۋىمەن اۋىرعان ناۋقاستار قاتارى 2 ەسەگە ازايدى. بۇل تۋرالى الماتى اكىمى باقىتجان ساعىنتايەۆ ايتتى.

قالا اكىمى ماۋسىم ايىندا ناۋقاستار سانىنىڭ وسكەنىن ايتتى.

«جىل باسىنان بەرى قاراي وكپە قابىنۋىنا ۇشىراعان 6175 ناۋقاس جازىلىپ شىقتى. ەگەر وسى دەرت شارىقتاپ تۇرعان كەزدە ەمدەۋ ورىندارىنا 300 ناۋقاس تۇسسە، ءقازىر ولاردىڭ سانى – 133»، — دەپ اتاپ ءوتتى باقىتجان ساعىنتايەۆ.

«مەن ءىرى ءارى كوپبەيىندى اۋرۋحانالاردىڭ باس دارىگەرلەرىمەن كۇندەلىكتى سويلەسىپ وتىرامىن جانە قانشا ادامنىڭ ەمدەلىپ جاتقانىن، اۋرۋحانالارداعى جاعداي تۋرالى حاباردار بولامىن. مىسالى، اۋرۋ شارىقتاپ تۇرعان كەزدە 7ء-شى كلينيكاعا 100 ناۋقاسقا دەيىن تۇسەتىن، سوڭعى كەزدەرى ەمدەلۋگە جاتقىزىلاتىندار سانى 15-20 ادام. 4ء-شى كلينيكادا دا، جمجا-دا، 1ء-شى كلينيكادا دا ناۋقاستار سانى كۇرت ازايعان. ياعني، وكپە قابىنۋىنا ۇشىراعان ناۋقاستاردى ەمدەۋ ورىندارىنا جاتقىزۋ 2 ەسەگە تومەندەدى»، — دەپ حابارلادى قالا اكىمى.