"بەلارۋسسيا پرەزيدەنتتىك سايلاۋىنان ءۇمىتتى ادام الەكساندر لۋكاشەنكونىڭ رەجيمى ەكى اپتادا نەمەسە ەڭ كوپ دەگەندە ەكى ايدا قۇلايتىنىنا سەنەدى" دەپ حابارلايدى بريتانيالىق SkyNews تەلەارناسى.
تەلەارنانىڭ اقپاراتىنا سايكەس، "لۋكاشەنكو 9 تامىزداعى سايلاۋدا جەڭدى" دەپ جاريالاندى، ءبىراق وپپوزيسيا ناتيجەلەردى "الاياقتىق" دەپ اتادى.
SkyNews-عا سۇحبات بەرگەن وپپوزيسيا وكىلى ۆالەريي سەپكالو پرەزيدەنت لۋكاشەنكونىڭ قىزمەتىنەن كەتۋ كەرەكتىگىن مالىمدەگەن.
–ول سايلاۋشىلاردى تىنىشتاندىرعىسى كەلەدى، دەمونسترانتتاردى، كوشەگە شىققان ادامداردى سابىرعا شىقىرعىسى كەلەدى. ءبىراق ول وتىرىكشى،– دەگەن سەپكالو.
لۋكاشەنكونىڭ بيلىكتى قانشا ۋاقىت ۇستاپ تۇرۋ مۇمكىندىگى تۋرالى سۇراققا ول:
–مۇمكىن بىر-ەكى اپتا. ەڭ كوبى بىر-ەكى اي،–دەپ جاۋاپ بەرگەن.
–بۇل بەلارۋستاردىڭ وعان بەرەتىن ەڭ كوپ ۋاقىتى. بۇل مەنىڭ سەزىمىم...جاعداي تەز دامىپ كەلەدى، ول ەلدى باسقارا المايدى، ويتكەنى ول ءوزىنىڭ بەدەلىن جوعالتىپ الدى، تانىمالدىلىعىن جوعالتتى جانە بەلارۋسسيادا ەندى وعان دەگەن جەككورۋشىلىك پايدا بولدى،–دەگەن IT-كاسىپكەر ءارى بۇرىنعى ديپلومات.
تەلەارنا امەريكا قۇراما شتاتتارىنىڭ بۇرىنعى ەلشىسى سەپكالو رەجيمنىڭ قىسىمىنان جانە قاماۋعا الىنۋدان قورقىپ، وتكەن ايدا ەكى جاس بالاسىمەن ماسكەۋگە قاشىپ كەتكەنىن حابارلادى. وعان قوسا، ونىڭ ايەلى سايلاۋ ناۋقانىنا قاتىسىپ قانا قويماي، سايلاۋدان كەيىن رەسەيگە قايتىپ كەلگەن.
"سودان بەرى ولاردىڭ وتباسى ۋكرايناعا قونىس اۋداردى جانە وسى اپتادا تيحانۋسكايا حانىم مەن ونىڭ ەكى بالاسى تۇراتىن ليتۆاعا كوشۋدى جوسپارلاپ وتىر" دەيدى تەلەارنا اقپاراتى.
بريتانيالىق باق-تىڭ اقپاراتىنا سايكەس، ول بەلارۋسسياعا ورالۋدى، ەلى ءقاۋىپسىز بولعاننان كەيىن جانە تاعى ءبىر سايلاۋ وتكىزىلگەن كەزدە پرەزيدەنتتىككە ۇمىتكەر بولاتىنىن ايتقان. تيحانۋسكايا حانىم وتپەلى كوشباسشى بولاتىنىن ايتىپ، ەركىن جانە ءادىل سايلاۋعا دايىندالىپ جاتىر.
سەپكالا بەلارۋسسيانىڭ بولاشاقتا رەسەيمەن تىعىز قارىم-قاتىناستى جالعاستىراتىن، ەۋروپالىق وداقپەن جانە ۇلىبريتانيامەن بەرىك بايلانىستار ورناتاتىندىعىنا ۇمىتتەنەتىنىن ايتقان.
پىكىر قالدىرۋ