«اق جول» دەموكراتيالىق پارتياسى داعدارىستان كەيىنگى ەل دامۋىنىڭ ماسەلەلەرىنە ارنالعان پرەزيدەنت جولداۋىنىڭ نەگىزگى قاعيدالارىن تالقىلادى، دەپ حابارلايدى قازاقپارات ساياسي ۇيىمنىڭ باسپا ءسوز قىزمەتىنە سىلتەمە جاساپ.
جولداۋدى تالقىلاۋعا پارتيا ءتوراعاسى ازات پەرۋاشيەۆ، ورتالىق كەڭەس پرەزيدۋمىنىڭ مۇشەلەرى، ءماجىلىس دەپۋتاتتارى، «اق جول» پارتياسىنىڭ بەلسەندىلەرى قاتىستى. ءىس-شارا وڭىرلەردەگى پارتيا فيليالدارىمەن بەينەكونفەرەنسيا رەجيمىندە ءوتتى.
ازات پەرۋاشيەۆ پارتيا مۇشەلەرىنە جولداۋدىڭ نەگىزگى باعىتتارى مەن مەملەكەت باسشىسىنىڭ ۇكىمەت پەن مەملەكەتتىك ورگانداردىڭ الدىنا قويعان تاپسىرمالارى تۋرالى حابارلادى.
«مەملەكەت باسشىسىنىڭ جولداۋى ماڭىزدى بولىمدەردەن تۇرادى جانە بەلگىلەنگەن باعىتتاردىڭ ءارقايسىسى ناقتى تاپسىرما تۇرىندە بەرىلدى. جولداۋ رەفورمالىق سيپاتتا قۇرىلعان» - دەدى ازات پەرۋاشيەۆ.
«اكجولدىقتار» بيزنەستى قولداۋ جونىندەگى كوپتەگەن تاپسىرمالاردى، زارداپ شەككەن شاعىن جانە ورتا بيزنەس سەكتورلارىنىڭ بارلىق نەسيەلەرى بويىنشا پايىزدىق مولشەرلەمەلەردى سۋبسيديالاۋ، اگروونەركاسىپتىك كەشەندى قولداۋ، بيزنەس احۋالدى جاقسارتۋ جانە تاعى باسقا ماسەلەلەردى اتاپ ءوتتى. سونىمەن بىرگە، تالقىلاۋ بارىسىندا مەملەكەتتىك باسقارۋ سالاسىنداعى پرەزيدەنت تاپسىرمالارىنا، ستراتەگيالىق جوسپارلاۋ اگەنتتىگىن، رەفورمالار جونىندەگى جوعارى پرەزيدەنتتىك كەڭەستى، باسەكەلەستىكتى قورعاۋ جانە دامىتۋ جونىندەگى اگەنتتىگىن قۇرۋعا، مەملەكەتتىك قىزمەتكەرلەردىڭ شتاتىن قىسقارتۋ، جاۋاپتى حاتشىلار ينستيتۋتىن تاراتۋعا قولداۋ ءبىلدىردى.
«بيزنەس پارتياسىنىڭ وكىلدەرى رەتىندە ەلدىڭ جاڭا ەكونوميكالىق باعىتىنىڭ باستى قاعيدالارىنىڭ ءبىرى بولىپ جەكە كاسىپكەرلىكتىڭ جەتەكشى ءرولىنىڭ اتالعانىن ەستىپ قۋانىپ قالدىق»، – دەپ اتاپ ءوتتى پارتيانىڭ قاراعاندى وبلىستىق فيليالىنىڭ وكىلدەرى.
دەپۋتات بەرىك دۇيسەمبينوۆ جولداۋدا قويىلعان ماسەلەلەر كوپ جاعدايدا «اق جول» پارتياسى كوتەرىپ كەلە جاتقان جايتتتارمەن ۇندەس ەكەنىن ايتىپ جانە پارتيانىڭ سايلاۋالدى جۇمىسىن جالعاستىرۋعا شاقىردى. سونداي-اق، ءماجىلىس دەپۋتاتى 2018 جىلى «اق جول» پارتياسىنىڭ فراكسياسى بيلىك وكىلدەرىنىڭ قوس ازاماتتىعى ءۇشىن قىلمىستىق جاۋاپكەرشىلىكتى ەنگىزۋدى تۋرالى ۇسىنىسى بۇگىن پرەزيدەنت تاپسىرمالارىنىڭ ىشىندە ايتىلعانىن دا ەسكە سالدى.
فراكسيا دەپۋتاتتارى ولار بۇرىن كوتەرگەن وزگە دە ماسەلەلەر پرەزيدەنت جولداۋىندا ورىن العانىن، مىسالى، 2017 جىلدان بەرى شەنەۋنىكتەردىڭ شتاتىن قىسقارتۋ، اكىمدەر سايلاۋى تۋرالى تاپسىرمالار پارتيانىڭ باعدارلامالىق مىندەتتەرىنىڭ ءبىرى ەكەنىن ەسكە سالدى.
تالقىلاۋعا قاتىسۋشىلار پرەزيدەنت جولداۋىن قولداپ، «اق جول» قدپ پارلامەنتتىك فراكسياسىنا جولداۋدى ىسكە اسىرۋ ءۇشىن تاپسىرمالاردى بەلگىلەدى.
پىكىر قالدىرۋ