دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ ەكى اپتادان كەيىن قازاقستاندا كارانتين رەجيمى قايتادان ەنگىزۋ تۋرالى قاۋەسەتكە جاۋاپ بەردى.
– كارانتيندىك شارالاردىڭ كۇشەيۋى نەمەسە السىرەۋى ءبىزدىڭ قوعامنىڭ ءتارتىبى مەن ءجۇرىس-تۇرىسىنا تىكەلەي بايلانىستى. ءبىز سانيتار دارىگەرلەردىڭ تالابىن بۇلجىتپاي ورىنداۋىمىز كەرەك. ەڭ الدىمەن، ماسكا تاعىپ، اراقاشىقتىقتى ساقتاعان ءجون. كارانتيننىڭ قاتاڭداتىلۋى نەمەسە مۇلدە الىنىپ تاستالۋى ءسىز بەن ءبىزدىڭ جاۋاپكەرشىلىگىمىزگە تىكەلەي بايلانىستى، – دەيدى ول.
ول كارانتين رەجيمىنىڭ ۇزارتىلۋىنا بايلانىستى بىلاي دەپ پىكىر ءبىلدىردى.
– كارانتيندى قاتاڭداتۋ تۋرالى ەشقانداي شەشىم جوق. ءقازىر جاعدايلاردىڭ سانى ازايۋدا، سوندىقتان كارانتيندى ودان ءارى السىرەتۋ ماسەلەلەرى قاراستىرىلۋدا، – دەپ اتاپ ايتتى قوجاحمەتوۆ.
پىكىر قالدىرۋ